事情係咁嘅──今年4月下旬，阿爺喺WhatsApp收到一條訊息，對方自稱係佢隔籬屋鄰居，同佢講單位漏水，要佢留意下。之後嗰位女仔又話send錯訊息同埋道歉，結果兩個人繼續用短訊（SMS）傾偈，慢慢就發展成未見面嘅「網戀」。
去到5月中，嗰女仔話自己係新加坡交易所嘅員工，掌握緊啲加密貨幣投資「內幕消息」，再用啲超sweet嘅講法，例如「你明知我對你動咗情」、「你要聽話好好珍惜我」、「拿你冇辦法啦，誰叫我遇到你」等等，令阿爺信到落去，仲以「共築未來」為名誘佢投資。
結果，阿爺由5月23號到7月16號嗰段期間，一連37次喺ATM提錢，再分批存入對方提供嘅34個銀行戶口，前後跌咗327.27萬港元。提到ATM提款上限，阿爺仲親身行去銀行櫃位棚佢90萬現金俾人。好彩有銀行職員覺得有啲異常，報咗警察反詐騙協調中心，先將件事揭發。
教訓係：網上認識嘅人，即使講得天花亂墜，都要三思而後行，千祈唔好失晒智就拎晒自己啲積蓄去投資！
又一個
到底啲廢老幾寂寞先可以俾晒啲錢人
