想知有冇人同我差唔多？

我都常常有自慰傾向

已經日日做, 唔係死得仲快

樓主無自己興趣？
你無哂自己人生？

認真討論啦
見樓主上水

我同你完全唔同

我諗你結婚搵個另一伴可能未必好岩你？

我結咗婚都好低物慾生活
都唔出去食，自己煮平飯
平時都無咩奢侈消費

老婆唔需要比錢佢
亦唔會阻我興趣
買模型，figure ，玩咩都ok
無人管

係咪因為老婆唔比你連你想要做既野都做唔到？


巴打你專業人士
應該搵好多
返工有壓力

我就無所事事
搵得都少過巴打你啦
成日比連登仔話廢
但係我自由好多

我諗巴打你玩下自己既興趣囉
做返自己想做既野
（唔影響其他家庭成員既情況）

人生想點過
係自己揀既。。。

好多謝你認真仔細真心回覆.
工作方面工作量不太, 準時收工, 人工都好好, 唯一擔心嘅係被裁員. 被裁員後真係死得, 中年好難再揾番, 而家d 後生夠平, 公司呢幾年方向係budget prioritize. 好危險吓.
係啊, 要供樓供小朋友供書教學, 負擔好大, 口停手停.
自己已經無駛$, 兩公婆可慳則慳, 兩餸飯咁上吓. 所有$都係駛係小朋友教育同生活.

無乜特意要認同感, 更多覺得係責任問題, 要努力fulfill 自己角色既責任, 如果做唔到, 好似好愧疚, 覺得自己有問題.
唔知呢啲係咪等於你講既“滿足緊你嘅慾望，例如他人對你嘅認同感、自己對自己嘅認同感、自己對自己嘅要求”.
可能係同樣或差不多既嘢.

你講得啱, 提醒左我要去重新思考自己真正嘅需求係乜嘢. 真係要認真試吓

一直逃避, 因為真係覺得無論自己想做乜, 都無辦法去做, 因為所有時間資源金錢生命都貢獻曬俾家庭同小朋友, 根本無可能做自己鍾意做既事. 我一直有個bucket list, keep doing and updating, 但有咗小朋友後真係 ....

"放低他人對自己嘅期望？
放低自己對自己嘅期望?"
我都唔知可以點做. 傳統嘅觀念係, 爸爸媽媽供養屋企供書教學, 可以點放低....

未有小朋友前有好L多興趣, 毒L 睇漫畫睇書睇戲打機打J砌模型又好, backpack 窮L旅行, 去音樂節, 行山, 攝影, 滑浪風帆, 潛水又好.
有左小朋友後就乜都停曬, 頂窿夜晚小朋友瞓咗之後睇下漫畫睇下netflix 砌吓模型（素組）

「被要求結婚」即係本身唔想結啦，但你又結
「被要求生仔」即係本身唔想生啦，但你又生
人生兩個會為自己帶嚟最大負擔嘅決定，你都有求必應，咁其實無解個喎

攝影同行山都明既

小朋友：喂，好累，要返屋企

明明出咗街一個鐘都無

然後各有各打機
搞到我又廢事自己一個出去

好似講到有人拎支槍迫你行到今日
乜都係個世界既錯咁
屌好撚KAM

多謝認真分享回覆.

咁你應該都生活輕鬆開心.
聽你咁講, 我覺得你另一半真係好好
低物慾, independent, 尊重你, 俾空間自由你.

我都好渴望你既自由.

其實我另一半, 都好好, no complaints.
佢畀我更專業搵得畀我更多, 但唔好名牌, 唔奢侈, 對我冇乜特別要求, 我哋都自己煮平飯或者買兩餸, 或者其他外賣
我打機, 買模型都無意見. (只要我自己識做, 照顧好小朋友, 小朋友瞓曬之後）
佢花好多時間係工作上, 對家庭同小朋友都盡心盡力, 所有$都只係用係小朋友身上（主要係教育）, 自己就好慳吓.
好多時候有d 壓力就係自己加俾自己, 另一半搵得多過自己, 自己都唔夠膽落後, 雖然佢從來冇要求冇比較過.
但係大家都係打份工, 時間換金錢....無得揀

“人生想點過
係自己揀既。。。”

自從太太揀左生小朋友後,(我好唔想的） 有左小朋友後, 人生真係無乜得揀.

我最初只係揀左我太太..... 呢個選擇後.... 就係人生了

你有冇小朋友？

你啱

其實你問番同你做緊同類野既人 , 甚至香港人 , 做乜鬼野

不婚不生幸福一生你睇下神父修女幾逍遙自在

我只係揀左呢個女人, 然後所有嘢都.....
我有時諗, 有幾多人人生真係真正enjoy 真正揀自己工作, 真正自己揀人生？
好多人都唔鐘意番學讀書考試, 咪又要死讀,
有幾多人真係鍾意返工, 咪又日日番,
有幾多男人真心想結婚生仔, 咪又結又生.
所以見到有啲“覺醒”咗既, 不打辛苦工不婚不育不供車供樓, 都幾L型. 不過有幾多人真係夠膽咁做?
我自問真係無咁勇.

我小朋友會多過你

我想照顧佢哋，想陪佢哋出去公園玩
點知個個拒絕出街

係唔係無咗自己人生呢
我覺得佢哋都係人生一部份啦
陪佢哋玩都幾開心

我諗巴打你自己比壓力自己ja
同埋你身邊人既期望
或者你老婆可能無型中有壓力
香港點都會有比較
或者你朋友，雙方父母
都對你哋好有期望咁

因為我一早都決定躺平既生活
無慾無求
又全世界都對我無期望

小朋友我最多帶佢哋移民
叫做比咗個好環境
我已經叫比到最好既野佢哋喇

不過我同你一樣
凌晨4點先多自己時間
我都係5，6點先訓
有少少自己時間做自己野
佢哋班人煩到仆街
雖然都開心既

可能想確認下自己係咪異類, 定係好common, 有好多男人, 人夫, 爸爸都係咁.
我唔知呢個咁壓抑嘅華人傳統社會, 係咪好多男性都有我呢個諗法又唔夠膽講出嚟.

又或者黑心, 魚蛋論, 我無既, 我唔開心既都希望人哋都係咁.
又或者可能只係呻吓搵吓認同, 圍爐取暖
失眠就係crazy over thinking, plz don't ask for logical justification.

成篇野都係話老婆同小朋友綁住你，其實你都唔再愛佢，為責任而一齊，咁解決方法都係得幾個，離婚/出軌/繼續忍

你係香港就好common 啦
個個有壓力
又要仔女去一大堆興趣班
對佢哋功課又要有要求

樓就供30年
車又要供
打工為層樓，唔停得
一生人就係工作中渡過

老實講
你好正常
好正常既人都係咁

係我依種躺平又無慾望
追求無所事事又無興趣上位
我哋依種人先係異類

讀書考試返工呢啲，除非係有父幹嘅二世祖，否則多數人都係為搵錢生存焗做㗎啦。

但結婚生仔呢啲真係唔係生存必需個喎，放埋落去同讀書返工一齊比較就唔係咁恰當喇

你結婚前冇同條女傾過會唔會生仔嘅咩？佢想生而你唔想，觀念諗法咁對立都照同佢結？生仔又聽晒佢話，咁其實橫睇掂睇都似係自己做成嘅結果喎

你講嘢有時候都幾不負責任
如果唔係你嘅精子進入對方嘅子宮，
咁對方又點會有BB ？

你揀咗呢個女人，
仲揀咗進行不安全性行為
享受過後就係要負責任㗎啦


——-
另外錢方面，你講到你哋好死慳死抵
當你哋兩個人收入夾埋都有10至12萬 （月入）
平時多數喺屋企煮平飯，一喺食兩餸飯，
基本上支出去咗供樓同兒子教育

即係其實你哋喺金錢運用上 係好極端，
一方面你又話想要低物慾生活
但另一方面，
似乎依家嘅安排未滿足到你嘅需要

————
時間安排方面，
除咗番工以外 嘅時間都係陪屋企人、小朋友，
明明可以搵屋企人幫手湊小朋友，
而且小朋友去參加興趣班或者其他教育課程嗰陣，
其實你係有時間做自己嘢

———-
你講到自己以前勁多興趣，
明明可以繼續做，
有小朋友之後，
明明可以透過自己嘅興趣帶佢見識吓呢一個世界
但係你選擇局限自己
話自己冇自由
咁唔鍾意小朋友，當初就唔應該生
直接去做結紮咪得囉
當然你話你老婆想生，
咁當初係唔係應該兩公婆傾好咗，
先再進行不安全性行為呢？

我都係人哋老豆
做老豆真係唔好做到無埋自己，你同個仔/囡係獨立嘅個體嚟，佢愈大你就只會愈淡出佢嘅舞台。
照顧好屋企人感受同時都要照顧好自己感受。

“佢哋都係人生一部份啦
陪佢哋玩都幾開心“

你都講得啱, 某程度上點醒咗我.
有時我將我自己人生同佢哋人生分割開咗.

我諗你都好愛錫你小朋友,
我都好我愛我家庭同小朋友, 唔知係責任定係hormone 啦.
我都對小朋友冇乜要求, 畀佢哋入國際學校玩, 唔使細細個就做好多功課同考試競爭, 同你一樣, 佢哋大咗就送佢去外國, “叫做比咗個好環境
我已經叫比到最好既野佢哋喇”


"佢哋班人煩到仆街
雖然都開心既"
完全認同

你只係有壓力姐
你未有壓力前根本唔會咁諗