李婉華母女檔一齊做直播，但一開始因為Natalie有一年時間沒有講廣東話，直言：「唔記得晒」，即被媽媽「訓話」：「呢個係你母語都可以唔記得㗎咩？咁你要見阿媽多啲，講多啲嘢。」Natalie大部份時間講英語，只間中夾雜一兩句廣東話。剛以高等榮譽大學畢業的Natalie選擇繼續升學，透露將赴紐約大學（NYU）修讀市場系碩士課程。不少網民問她為何不返港參加《香港小姐競選》，Natalie表現自信爆棚一面，不停撥弄秀髮，媽咪見狀都哈哈大笑。
李婉華未有否定選美不好，但肯定女兒不會，堅決落閘：「No，佢唔會嘞」，Natalie搖頭和議表示會繼續讀書，但亦想與不同品牌合作，出席時裝活動，李婉華說：「你依家仲細。」Natalie反駁自己已經22歲，李婉華指還有大半年，兩母女你一言我一語，似乎意見分歧。
李婉華直言很多人問Natalie為何不選港姐，Natalie望住媽媽以半鹹淡廣東話問：「點解我唔參加港姐啫？」然後扁嘴挨落媽咪膊頭撒嬌，李婉華解釋：「我成日都講，靚唔靚唔使人話你知，你自己要自信心，(靚）呢啲好各花入各眼，如果你靠靚去認識自己，自信來自人哋你靚唔靚係唔應該。我覺得一個女仔靚唔單止係外表，love herself,內在美都好重要，自己要有本事先。我成日都講，你唔好靠人話你得唔得，你要話俾人聽我得，咁先有價值！ 依家更加添，一定要自己有自信，如果你靠靚就弊！因為你要人哋話你靚唔靚，人哋話你靚唔靚唔開心.....見多啲人讀多啲書，用你自己本事去爭取你未來仲好。」一口氣講足4分鐘沒有停過，加埋之前對話，談選美話題足足7分鐘，連李婉華也忍不住哈哈大笑說：「阿媽講嘢好煩呀嘛」。
，根本睇樣係分辨唔到年齡