美斯甩底明星賽面臨停賽 驚爆考慮轉投意甲新貴

阿根廷「球王」美斯同國際邁亞密嘅合約年底完結，未來去向再惹猜測，近日驚傳呢位38歲巨星考慮重返歐洲，為老友法比加斯執教嘅科木助陣，美斯老婆日前更現身科木熱身賽，為傳聞再添熱度。美斯原定周四(24日)為美職明星隊上陣，但開波前無故甩底，面臨停賽處分。

美斯同法比加斯喺巴塞隆拿做隊友嗰陣，已經情同手足，兩家人經常結伴出遊。法比加斯2年前接掌科木，表現大獲好評，今夏大展拳腳斥1.14億歐元簽入9個新兵，科木日前同里爾踢熱身賽，美斯老婆洛古絲素就喺看台現身，同法比加斯老婆Daniella Semaan一齊睇波。

意大利傳媒報道，美斯如選擇離開美職，為老友法比加斯效力係選擇之一，而且科莫本身居住環境極佳，適合美斯家人居住。法比加斯被傳媒追訪簽美斯嘅可能性，佢就回應：「美斯加盟科木？冇嘢係冇可能。佢哋嚟度假住喺我屋企，我哋老婆同細路都好親密，不過美斯依家喺美國。」

美斯早前獲球迷投票選入美職明星隊，原定周四對墨超明星隊上陣，但開波前國際邁亞密突然宣布，美斯同佐迪艾巴都唔會參賽，無緣同沙治奧拉莫斯帶領嘅墨超明星隊交鋒。國際邁亞密教練馬斯真蘭奴日前表示：「我想美斯可以休息，但決定權唔喺我手上。」

美斯「甩底」引起美國球迷不滿，批評佢唔係真係幫助美職發展，亦辜負所有投票選佢入隊嘅球迷，據報美職賽會亦準備國際邁亞密交涉，有機會罰美斯同佐迪艾巴停賽1場。碧咸、亨利、卡卡等名將過去都曾踢美職明星隊，對上一次有巨星甩底係2018年嘅伊巴謙莫域，佢事後亦被罰停賽1場。

岩岩先水左de paul去
依家自己走人

用背脊踢場波

來季都唔踢啦

就算停賽一年都無所謂啦

又唔出場

開波前決定的

是咁的
今次搞成咁 最大責任一定係被制裁果個
美斯操練 同 慈善野 大家都post晒出黎
係去到正賽果日 先完全撤離唔出場
用最低限度 完成自己同Miami合約
真係唔洗再拗佢係咪扮傷 (擺明係)
而原因好明顯 唔係港共老馮係咁想利用佢
(態度落差 咁多個站唔撚 淨係撚香港球迷咩)
就係同被制裁人士同場問題 (避握手)

呢條死毒撚都真係幾鳩屎 一而再咁叫D球迷咁樣睇佢「射波」

麻煩友

不如返巴塞衝多次歐聯啦

當年都係咁水咗阿古路

又唔出場

辱華之後辱美

為咗佢 碧咸買哂佢班朋友一齊嚟 係美國做山寨王

而家話走咁冇雷

De Paul 已成condom
咁後生去踢垃圾league

肯定係美職賽會比唔夠錢或者要佢去睇地盤啦

美帝班友有槍，你個保鏢再好打都無用

佢同習總踢波 根本有心撚佢

或者主辦方有D被制裁既人呢

唔想同侵侵握手

拎完世界杯你理得我

為咗佢簽埋so9呢啲垃圾,晒9晒啲外援名額

求其喺歐洲執件垃圾都勁過佢

駁唔到

激到阿古路心臟病