有冇人分享下心得點照顧家中老人(極頑固)?

是咁的，我40出頭，無妻無兒女無牽無掛，有財政壓力需工作與81歲父親單獨同住，家宅乃其他親人所有。早前父親與友人賭馬時暈倒街上跌傷，胸骨有裂，入左醫院，出院後接近不能自理。

其他親人想送他到安老院，佢拒絕(呢樣我明既，猜測想佢走唔想佢死係該住宅)。其實佢唔係完全行唔倒，但唔願食野，無力自行行走。想搵社工幫忙，佢亦唔肯 (佔計是要面)。經常辱罵我 (唯一仍然幫助佢既人)例如無用幫唔倒佢等等，亦唔肯合作，包括食野，純個人觀感估計佢有一定程度既厭食症。

我一星期返工5日，計車程+工作時間約佔12小時，現在每日訓3-4個鐘因要照顧佢，想問下有經驗既連登巴絲，呢個情況點做決定比較好?

拎曬佢啲資產先
再同佢申請綜援公屋
再拎佢間公屋換居屋
之後棄養

請個工人照顧

佢可能想你陪佢行埋最後一段路姐

唔進食, 好快就瓜

一係請工人
一係推佢去老人院

佢無得揀

佢以前有申請過後尾退左間公屋比其他親人拎首置買樓，而家申請唔返。

佢日日都話叫我走，幫唔倒佢，無X用etc.

yes

工人如果佢日日鬧，認真幫唔幫倒佢? 不過，財政壓力都係一個問題，其他屋企人唔肯出錢。

一來我個人財政問題，二來工人拍照唔倒佢，因佢日日鬧人。

你有錢咪請看護. 無錢就老人院.
佢話乜都唔駛既... 就試一排睇佢可以點.
如果得你一個人照顧佢.. 你會好辛苦

咁問心你有咩用？
你bb 個陣都唔肯食野，周圍賴屎賴尿，佢又可以養到你牛高馬大？
你bb 飲幾個月夜奶，佢唔洗做野？佢有得訓？
佢有無扔你去保良局比人搞？

ok，而家就係你第3句既情況，我再諗諗...係真係好辛苦

講真喔，養大我大部份功勞係我阿媽，佢賭到家破，所以其他親人只想唔好連累佢地自己。其他野唔想煩。

請立即棄養呢條廢老

食嘢都要用口餵先肯食

不過你都岩，我都無咩用，剩係買輛椅，推下，餵佢藥餵佢水，扶佢行，買比佢d野食都扔9晒，佢都唔撚食。

最怕你自己都谷到病埋
生活已經大壓力了
適當時候搵人分擔吓
唔好咩都攬晒上身

咁得返綜援老人院
唔好比無價值既野影響自己
每個人都係獨立個體
個老野留比政府養

BB你抱得起，任你舞
老人你抱唔耐，唔任你舞
BB辛苦幾個月到1-2年，愈來愈輕鬆
老人可以10年8年，愈來愈困難
BB日日進步到自立
老人會唔會進步到自立

坦白啲講，問佢想點，照佢意思，完

申請佢去長者日間中心玩下先，每日同其他長者接觸多左，自然對老人院改觀（至少有資助或甲級果啲係好環境嘅）。

就算堅持唔入老人院，但至少你返工時間，日間中心啲人都幫你睇住佢先。同埋多左老友記，佢個人都會化啲。

不能自理既話一係老人院一係請個工人照顧，前者有資助既話平平地補幾千銀己經有，當然價錢反映質素，後者平平地請個菲傭都五千人工，仲未計包食同水電開支大左，仲有大假保險等。一定貴過老人院，但叫可以留係屋企同埋間睇彩數，請著個借錢走佬既就仲煩

請個工人