收到地鐵出傳票叫我上庭。。。

之前坐輕鐵比人捉到冇買飛 之後冇左件事早兩日屋企收到封屯門裁判法院嘅信 叫我下個月尾上庭 仲有冇得救可唔可以上庭之前自己交返？如果真係上庭要交幾多錢？係咪真係要罰5000 學生真係冇咁多。。。

坐大飛著草啦

師兄我真心問架

其實都係上去講認罪
然後走去交錢

著草番大陸

師兄係咪有經驗 罰左幾多？

認罪 個官會問你點解唔交
睇你有冇合理原因
有合理原因態度好求下情會收平啲
冇合理原因純粹自己柒左就大機會罰足
當然 你覺得自己冇錯咪唔認罪再排期開審

有冇話通常見到罰幾多

輕鐵唔係交$370咩，不過你要上庭應該唔止呢條數

應該上到庭，排排坐，一大堆人, 一個個輪住去，法官讀條罪出黎，問你認唔認，認就去交錢

如果求情有原因 大機會收你原價
如果柒左冇原因 官有權收你全價
要參考番港鐵附例
但初犯就未必收足嘅
到時上庭扮死狗就得架喇
唔好寸柒柒 係咁認衰道歉就得
千其唔好駁嘴 啲官好憎人駁嘴
會當住成個庭嘅人羞辱你

小問題少少錢可以解決到

如果我手寫一封信同個官求情得唔得

咩冇咗件事，邊有可能唔記得，個官一定知你側側膊唔想交，柒咗就認，一定會罰得多錢過原本要俾既數。

呢單一月份嘅

港鐵加強打擊逃票，但截查市民及罰款手法近日引起爭議。本港網絡瘋傳事件，有網民憶述家人的經歷，指拍卡入閘後，遭港鐵職員截查指使用了特惠車票，雖然該乘客身上只有1張成人八達通，但港鐵職員仍然開出當時500元（當時附加費的金額）的定額罰單；事主堅稱沒有逃票，故拒絕簽罰單，報警後被帶到職員室，有「高級職員」要求加簽500元「無畀車費搭車」罰單，即總共罰1,000元，事主最終沒有簽署，登記資料後離開。

然而事隔10個月後，事主收到法庭傳票，2張告票連堂費要罰2,000元，惟他堅持不認罪，寧願5位數字聘請大律師打官司，「條氣好唔順，寧願成家唔去旅行都想攞個公道」，最終港鐵一方於上庭前撤控。事主家人批評港鐵無證據下「大石砸死蟹逼認罪」罰款，感嘆「小市民無錢無得玩」。

網民看過事件紛紛稱震驚，「咁多人講呢啲事，真係好荒謬」、「係咪搭每程車入閘都要拍片自保？聽到都嬲到癲」、「做幾多公關都冇用」、「就係有律師團隊去蝦啲小市民」。

港鐵回覆《香港01》表示，翻查了過去7年資料，暫未有發現吻合個案；港鐵仍在翻查資料，如有個案編號等更多詳情，有助進一步查核。

原文網址: 港鐵逼簽罰單？瘋傳乘客拒簽被控 $X萬打官司還清白 港鐵咁回應 | 香港01 https://www.hk01.com/article/1093799?utm_source=01articlecopy&utm_medium=referral

話自己阿爺係雷超？

報東張搞大佢

請定毒舌大狀

tommy 140蚊都著草，你呢單應該都要

唔駛手寫 你係當面講嘅

大概流程係
書記：案件編號XXXX/2025，被告XXX，於何年何月何日，於XX港鐵站內，未能出示有效車票被港鐵職員截查，罰款$XXXX，被告你認唔認罪？

被告：認罪

官：被告認罪，罪名成立，被告你有冇說話想講

被告就講求情說話 扮死狗 講埋求情原因
例如 學生經濟能力有限/失業冇錢/病患等等

官：基於被告認罪，求情，判罰$XXXX，落去交錢

完

走難申請政治庇護

因為嗰日係真係病得好交關 睇返嗰日夜晚仲去左A&E 批左幾日假嗰隻 之後我又搞搬屋 又返學mid term 之後又考final 真係咁樣冇左件事。。。