[本地足球] 2025/26 港超聯、亞冠二及香港隊討論區 (6)

南華球員：我偶像係歐偉倫，夢想可以披上南華戰衣

愉園球員：我偶像係沙沙麥斯

應該會有墓碑
話晒係華人墳場

高超啦
細細個就聽佢癡利根講波

再三要求離隊

連球員都知道龍城隊波唔想玩

每個離隊都起個墓志銘？
傑志英靈殿

可能人工上真係北區>龍城嘅

點 carry 巴遊自己都比人打
自身難保
我怕要拳王救佢多啲

我係華人之光

關閪事咩 幫佢諗埋藉口唔睇波
而家至尊係甲組技術上係業餘波黎
根本唔關頂級聯賽事
你唔好話香港有東南海盃搞到佢唔睇本土聯賽

整個紀念堂放骨灰龕位
安放過世傑志名宿同死忠fans骨灰
第時件件百年歸老都應該放喺嗰處

佢兩個掛名咋嘛
都冇踢

幾時放你嗰個

唔使教啦公民自動讓路

原來真係有
遲下使唔使學大埔咁去拜下

要唔要執骨？

有
嘈交多過踢波

執咗理總嗰副先啦

外國唔少球會有骨灰龕場/墓地



巴塞隆拿大發死人財!「地上最強」球場內所向披靡，場外搵錢亦相當有計，繼推出魯營婚禮套餐後，日前再宣布開設魯營骨灰龕場，而且號稱係全世界最大嘅足球龕場。巴塞更以旗下球星都會「長眠」此地作為賣點，吸引死忠Fans買位同偶像「同居」，他日沙維、美斯等百年歸老，隨時做埋「巴塞魂」!

魯營球場上年推出婚禮套餐大受歡迎，其實更早時候已諗住搞骨灰龕場，只不過拉波塔反對先擱置。依家羅素爾揸旗，巴塞日前就宣布會喺魯營興建可以安放2萬個骨灰龕嘅龕場，雖然佢哋唔係第一隊咁做，英超、德甲、阿甲同巴甲都有呢項服務，就連西甲嘅馬體會同愛斯賓奴都先過巴塞搞，不過魯營骨灰龕場仍然最為矚目。

2萬個龕位全球最大

馬體會嘅龕場只可以容納4,210個骨灰龕，巴塞2萬個龕位嘅容量差唔多係佢哋5倍，而且號稱係世界球壇最大規模嘅一個。據報巴塞為咗令到場面唔好咁悲涼，計劃喺牆上面髹上巴塞球員踢波雄風，喺計劃啟動儀式入面，巴塞仲宣布球會嘅職員、球員過身後，都可以將骨灰放喺呢度，實行做到生係巴塞人、死係巴塞魂!

當然，巴塞起呢個骨灰龕場最緊要都係搵錢，球會將接受全球巴塞Fans預訂，雖然收費未有公布，但以馬體會龕場收費1,200歐元至4,000歐元(約42,500港元)嘅標準，巴塞收費應會更高，愛斯賓奴就預計骨灰龕場會為佢哋帶嚟450萬歐元(約4,780萬港元)收入。西班牙傳媒透露，當地人對殯葬睇法變咗，有24%嘅人傾向用火化，所以骨灰龕需求大增，而且西班牙舉行葬禮平均使費係2,000歐元至3,000歐元，幫襯心愛嘅球會都係唔錯嘅選擇。

球會殯葬服務到處都有

小保加墓園(阿根廷)

‧坐落响布宜諾斯艾利斯60公里外，一共有3,000塊墓地，其中300塊留畀啲球員同職員，每塊地售價500至900美元，鍾意嘅話仲可以買埋個小保加專色藍黃棺材，加起嚟都平過啲歐洲球會。

漢堡公墓(德國)

‧06年7月下旬落成，距離漢堡個主場正門只係15米，專供擁躉使用，但係規模比較細，只能夠提供500塊墓地，肯定唔夠班Fans用，而且價錢好貴，單人墓地盛惠8,000歐元，雙人就12,500歐元，骨灰龕2,500歐元，仲只能放25年，期滿後或者要搬竇。

阿仙奴、愛華頓(英格蘭)

‧英格蘭球迷向來狂熱，愛華頓喺大約5年前已為球迷提供「死後服務」;阿仙奴嘅舊主場高貝利改建成高級住宅後，亦喺花園劃出紀念區，畀500個死忠球迷安放骨灰。