2025 南疆遊記 Live

十幾年前由西安坐火車，逐個站停去玩下，去到烏魯木齊。個時係唔同既地方，遇過唔同既人，但都不約而同咁提醒我如果去南疆要小心d. 一直想去，但拖下拖下，事過境遷，而家南疆恐怕已變成安全到唔能夠再安全既地方。趁仲係半自由身，仲有d力氣，就拎著個背包去呢個自己一值好憧憬既地方

預計行程：

D1 香港 深圳 成都 喀什
D2 喀什 喀什古城​ 百年老茶館 塔哈巷游拍街 高台民居
D3 喀什 帕米爾高原 木吉火山口 白沙湖 喀拉庫勒湖 塔合曼濕地觀景台 塔縣
D4 塔縣 瓦罕走廊起點 盤龍古道 塔莎古道 班迪爾藍湖 喀什古石頭城
D5 慕士塔格冰川公園 奧依塔克紅山
D6 莎車 王陵 葉爾羌王宮 喀贊其街 孜墩遺址 阿孜尼米契提
D7 和田 玉龍喀什河 博物館 和田團城 和田夜市
D8 庫車 庫車王府 熱斯坦老街 花帽巷 庫車大寺 彩虹商場夜市
D9 庫車 天山神秘大峽谷 克孜爾千佛洞
D10 阿克蘇 夜市
D11 阿克蘇 溫宿大峽谷

未買回程機票，即興隨遇而安

去幾多日？

LM 加油！

新疆菜好好食可以瘋狂食羊

起碼都12日左右

thanks!

羊肉唔同部位既串
不過人太少食唔到烤全羊

朝早班機無delay, 順利到成都，準備轉機到喀什

你知唔知喺喀什可以坐巴士去西藏阿里獅泉河

好似係全世界最高海拔嘅路

上次因為轉山留咗多日，skip咗獅泉河鎮&班公湖

又去旅行

Lm 抄plan
你係自駕定點？ 如果自駕 邊款車啱去

去到和田就不妨穿越塔克拉瑪干沙漠，行沙漠公路去吓阿克蘇地區啦

LM跟進

聽聞過，但好似自駕多

是的，趁有時有機會就去多d

坐公共交通同拼車
無記錯有個峽谷要越野車先比入

我嗰時係坐有三行碌架床嘅長途巴士

曾經諗過，但好似無公共交通行呢條路

有長途巴士呀

不過我嗰陣時係和田出發

午夜經過沙漠

中途落車喺沙漠小便

係唔係同湖北妹呀

湖北妹又會咁多時間陪你玩嘅，佢都backpacker ?

香港唔係南航直飛喀什？之前睇過仲平過深圳

Day 1

香港 深圳 成都 喀什



朝早五點幾出門搭火車去福田，結果早左少少關口未開門。之後坐地鐵福田到會展，轉車公廟到機場。



前兩日都好擔心會唔會cancel/delay, 因為大陸機場好似成日delay, 但好彩今次無事。十幾年前黎過，印象中個機場好似無咁大



竟然去到500幾號，一出捷運就有人指路



好彩隻機係到

上到機隔離個中女同我講唔識開個安全帶，要我幫手。示範左兩次，佢竟然都話唔識，再整多次之後我就戴耳扮聽唔到佢講野。落機個時佢又開唔到，而我就扮睇唔到。新式騙局嗎



最後遲左廿分鐘起飛，而機上既早餐味道都ok



有時間就重溫下呢本書書。作者就係鋸走柏孜克里克千佛洞同克孜尔佛洞壁畫既人。當時新疆人已經伊斯蘭化，見到佛像同壁畫就會破壞個頭。係作者角度，佢認為自己既行為係對新疆對希臘文化遺產（犍陀羅式佛像）既再發現同保護。



順利去到成都再轉去喀什。個飛機餐比較一般，幾辣下但又唔講明係辣



飛過塔里木盆地，忽然覺得機票值回票價



一降落個機組人員就講，唔可以拎手機出黎影相，因為有軍事野。感覺呢個機場既裝修設計係有飛機既汽車站



之後搵公交入城，估唔到機場專線係呢種車。坐夠5個人就走，每人$15。半個鐘到就到古城區。

搵左間係青旅住，check in完都9點幾，但個天都仲未黑，所以係西城區隨便走走



古城區入面d民宿或者餐廳出面會有d跳舞表演



同拉薩一樣，有好多cosplay



感覺係有心思建造呢個景點



很安全的地方



卷到要用特技吸客，但個酸奶刨冰都幾好飲。呢到好多鋪都係個小朋友負責做翻譯，而小朋友之間，唔少都已經用普通話傾計
三四十歲既維族有唔少都唔太聽得明普通話



食左間青旅老闆娘推薦既餐廳，好細間同埋都係得本地人食。睇餐牌雖然有簡體字，但好多都唔知咩黎，所以隨便叫左一個叫丁丁炒面既野，只係15蚊左右，而且味道都幾好



返到青旅都成11點幾，連隻貓都已經差唔多訓著

好有西域塞外風情

食多啲乾果提子乾啦，有啲賣到好貴