學緊N3 聆聽好弱 咩途徑進步最有效？

睇日本youtuber？
動漫？
聽歌？

n4聽力好弱路過

聽過一排一個鐘日語但感覺冇改善

去到日本要人地講慢d仲要load2load先明

一個鐘日語係邊類型
等我唔使嘥時間


n4聽唔明應該好正常？

真係要睇多啲日劇日綜日文化，唔好見到好似無咩用就放棄，時間長左你就會發現自己突飛猛進

我都係n3 level 三年前考完就冇咩進步 讀寫ok 但聽說好差 好似係停滯期 但呢排又想練習番 想去到可以同人溝通level 我呢排都會每日睇啲動漫 綜藝學番啲生活化日文 想練番聽力 或者搭車學Spotify podcast 有啲有字幕易啲跟 同有時會跟讀

1.聽TBS新聞，聽熟個語感，語速
2. 讀多D語𢑥，之後自然會慢慢聴得到
欲速則不達，加油👏

睇下綜藝，啲綜藝多數到重點就會彈字幕出嚟，睇睇下就會開始識，都會學到一段野入面嘅重點係啲咩

新聞唔錯喎
官方 又update

我都係同你一樣N3,係日本公司做野
同日本人簡單溝通時,得50-70%明,講既內容日本人都明,但成日發錯音,好似興味係きょうみ,我讀左しょうみ,但日本人應該都明既
但到開會講公事,就基本90%唔明要靠通譯同事,日本老細問我讀寫聽說點,我話讀最好,聽最差,公事佢多數都用英文同我講野,我用日文應佢

另外問過幾個通譯同事,聽同講對佢地黎講邊樣相對難D,佢地都係日本生活過,全部都話聽最易,講得好比較難

聽得少咪弱
根本就無特別途徑

N2路過 睇vtuber

聽多幾首歌 望著歌詞嚟跟唱
聽一首歌就學識一首歌嘅詞 當你聽咗百首就不得了

youtube搵ゆっくり解説+想睇嘅topic (e.g. game, 音樂, 車...)
因為電腦聲語速唔快+通常都有字幕+自己有興趣嘅topic
應該易聽過就咁搵個youtuber聽佢地用地道日本人語速講野

識講唔識聽咁搞笑？
N3就敢去日本公司做咁犀利

想問咩渠道
我知聽多啲聽多啲咩最好

動畫就應該易聽D的

考完N1 仲係講聽寫讀好廢

你既然聽唔明
睇蠟筆小新定NHK都係聽唔明
所以揾你有興趣嘅嘢都聽(前題有中量詞彙量同語法基礎)
坊間已經有海量素材
我開頭係0.75倍速逐粒音默，等個腦同步時就加快
默過程其實都唔重要，係要訓練到大腦判斷到個音
再聯繫到詞語同語法再產生出到個意思

好多學日文既人,聽力都係最大障礙
第一日本人講野唔會就你,佢地既口音唔似睇電視咁標準
第二因為只係業餘學日文,對日文既文法同詞彙認識有限,要立即理解到對方既說話內容有一定難度
第三如果對話內容明確會比較易明D,但如果個日本人無啦啦同我講野,我都唔知佢針對緊咩野,我就好難明,例如考聽力時,選擇題係關於運動或音樂,我就比較易分析到說話內容

識講唔識聽咁搞笑？
因為識日文呀,我可以堆砌到自己想講既內容,但如果太複雜都好難
我既工作,日文程度唔係入職要求

你講得啱,要訓練到大腦判斷到個音立即分析到說話內容,但好難,真係要浸係日文環境到先搞得掂

聽力弱既話，動畫>新聞>綜藝>日劇>youtuber>歌
動畫新聞發音咬字易入耳，綜藝可以學日常用語加上間唔中有字幕易入腦
開始聽得明就綜藝，youtuber
好多youtuber都有字幕不過好多時講野一舊舊加上收音問題有啲難度
不過講到尾都係睇你自己興趣，有興趣先有動力

睇vtuber

唔係認真聽緊都好，背景照播住啲日文嘢
Immersive learning