1.cut線/過死車動作
一般做法係 打燈>望鏡>望盲區>望前扭過去
但最近補鐘有個師傅話 最尾扭過去嗰陣要望住鏡扭 唔可以望前面
即係變咗 打燈>望鏡>望盲區>望返鏡扭過去
但我發現呢個做法好容易搞到架車唔知扭咗去邊
而且前面有人衝出嚟嘅話 基本上唔會睇到
（例如你望住左鏡cut左線 右邊有人衝出嚟係唔會見到）
之前跟過咁多個師傅 都無聽過呢個做法
就算上網睇片 都無教過咁做 想問下如果唔望住鏡扭係咪真係會肥？
2.袋口位
如圖 對面袋口位線（紅色箭嘴嗰條）有車轉緊彎
只要藍色箭嘴嗰條線無車 而且無行人過緊馬路 我就可以轉？
另外想問下 假設我喺袋口位 轉咗紅燈 藍色箭嘴嗰條線有大車出緊嚟 頂住我轉彎個位
我無得第一時間轉出去 我應該照駛出少少 霸住個位 等大車走咗我繼續行
定應該等下一次轉燈先駛出？
因為十字路口左邊都有車 有時我地轉紅燈 佢哋就會直接行
駛出少少霸位 可能會阻礙行車 但等下一次轉燈 又可能tick判斷力弱
應該點部署？
3.騎線遇到對頭車/遇到對頭車騎線
如圖 我騎緊線過死車 右邊線突然有車入轉入嚟
就算我停車 對面都唔夠位過 呢個情況係咪無得救？
又或者好似呢種情況咁 右邊線一堆死車 有對頭車騎線過嚟
就算我靠左 對面都未必夠位過 最多都係貼住過 呢種情款係咪肥硬？
唯一解決方法 係未入死車區前 大老遠就要望到對頭車 停定俾佢過？
4.行人處理方法
）行人1（喺路邊雙黃線行緊過嚟）：停車，等佢行到車身位置先繼續前駛
行人2（迎面行緊過嚟）：停車，等佢行到車身位置先繼續前駛
行人3（打橫行衝紅燈）：停車，等佢過咗先繼續前駛
行人4（同我行同一方向）：慢駛，直至考牌官出聲，或者行人發現我為止
以上嘅做法都正確嗎？
只要你邊線冇車你就轉 你出左袋口位唔洗睇燈