我貓貓瞓瞓下覺死咗

明明今日仲係好好地。。。
點解會咁

節哀順變

起碼走之前屙左個靚屎

我隻貓都係喺自己個貓窩度走

巴打
佢一生無病無痛
你開開心心咁陪左佢一世
最後安詳咁走咗
呢一個貓生 算好幸福架喇
你都唔想你行先然後佢餓死，又或者要隻貓擔心你丫

好好安葬佢
叫送佢最後一程啦

我隻貓貓之前都係呀，
仲要嗰晚返去唔知佢死咗，
仲攬住同佢講good night，
冇反應以為佢只係瞓着咗，

點知到凌晨兩三點屋企人想抱佢嘅時候，
發現佢已經硬咗了。

我係喊到跪咗喺度，直頭係腳軟嗰隻⋯⋯

希望你可以換個角度諗：
其實人死嘅話都係求咁樣冇病冇痛咁樣走，
好過插晒喉打晒針食晒藥見到佢好痛苦咁典下典下，
我哋應該覺得感恩，
雖則在生嘅人係真係好痛苦，
我都經歷過，起碼2-3個月平復唔到，
甚至屋企人買咗隻新貓返嚟，
因為太傷心，連隻新貓望都唔會望，抱都唔會抱！

佢無聲無息咁樣返咗去貓星，
都係神嘅旨意嚟，
佢會喺天上面守護住你，
傷心過後將你嘅愛轉移到去其他貓貓身上，
佢都會覺得好幸福，
祝安好。

節哀

RIP

當時都會諗：
其實係咪佢一直有病而自己唔知呢？
當時都有嬲自己係咪應該早啲帶佢睇醫生，
做身體檢查就會避免到呢？

但係退一萬步諗：
邊有咁多早知啊！
就算check咗冇病冇痛都有機會發生呢件事，
當時我隻貓貓只不過係八歲，
所以先咁接受唔到⋯⋯

等時間過去吧，
喊就盡情喊，
掛住盡情掛住，
唔好壓抑！
不過傷心過後一定要振作，
曾經聽過話如果主人太傷心太掛住，
貓貓會唔可以順利投胎㗎！
為佢好，希望你快啲振作！一切都會好起來的！

貓奴唔敢諗呢個畫面

Sorry for your loss

佢真係好愛我
我同佢講
如果佢下一世仲係隻貓
我會好願意再次養佢愛錫佢。。。
呢一刻我個心真係好似想裂開咁。。。

RIP

好過病住咁走 仲辛苦

Take care…
過左大半年…
我諗起隻肥嘢都會喊…
又係突然心臟病走咗

佢下一世可能想做人。。。

最緊要享受到個幸福貓生
不枉此行

保重, 佢夠鐘遮, 有時緣盡都無計

心臟病

RIP

佢做過人再下世就會想做返貓

佢個名叫小小
係一隻浪浪嚟㗎
記得嗰時我仲喺東莞返緊工
有一日，係行返工廠上班嘅途中
我迎面遇上我嘅寶貝
當時佢帶住疲乏嘅身驅一路行近我
用佢弱小同沙啞嘅聲音嘗試去引起我嘅注意
我平時都會有在街邊撩小動物嘅習慣

當然對住佢我都冇例外
用手指同聲音表現我想親近佢
喺到咗我返工嘅工廠嗰陣
我好自然咁行返入我嘅office
點會估到一隻我諗當時只有一個月多啲嘅貓貓
會跟住我呢個陌生人行上一級一級嘅樓梯
甚至乎跟埋我入office
喺呢一刻
我同佢嘅緣分亦都正式開始咗。。。

節哀