100 萬定期 美金3.8%

有冇人識計條數 轉美金 轉返港幣有冇so?

我計左 一來一回 賺2600

因為係有4,5 先吸引

抵唔抵做就好多因素嘅。

第一，你有冇能力可以用好平嘅方法唱錢？唔單止係唱過去美金，另一方面都係唱返過嚟港幣，如果你唔識得有咩方法好平咁唱錢嘅話，咁唱錢嘅交易成本都要考慮埋。

第二，你個投資年期嘅總回報足唔足以蓋過你嘅潛在外匯風險？要知道雖然港元同美元係有聯繫匯率，但係佢仍然都可以係強方兌換保證同弱方兌換保證之間上落。

第三，會唔會有交易對手風險？間銀行可唔可靠？點解唔直接買美國國債更加高利息？

第四，假如你突然間有流動性需求要唱返轉頭，你個美元嘅定期嘅息口會點計？會唔會罰息？會唔會罰款？會唔會比起港元嘅定期更加不利？

第五，當你依一刻用完依個利率做完定期之後，你係咪確定你唔會有其他更好嘅投資機會？你對於港元同美元利息將來嘅走勢有冇睇法？有啲咩其他機會成本要考慮？

諗得通晒嘅話就值得做，其實大多數人都係唔識唱錢，做定期嘅年期又比較短，兌換外幣嘅時候輸一截，港美匯率又有風險，搞完一大輪未必係會着數咗。

我見mox 幾平 我mox 做完 再轉返恆生有冇得諗

mox唱錢平？無咗啦，上個月就平既

長期做一定好過而家港元定期

我見比恆生平好多

短債都4.6%啦

如果美金用嚟公司買貨，唔洗唱返港元，有冇so ?

而家個匯率7.85
做定期有風險

雖然今日星期六有啲唔公平（星期六日匯價係會差啲），不過我啱啱走去睇一睇mox現價：

港唱美7.8602
美唱港（計埋0.25%手續費） 7.8179

一來一回都0.5%多啲，你一年回報都係得3.8%，仲未計如果一年後港美匯價落返去7.75（強調係如果），又輸多1%

7.85先黎唱美金？

問題係點解要諗住做完定期就即刻唱返港紙先...
老實俾我亦都唔會諗定期添
國債3/6個月4.3 1年都仲有近4.1
最抵一定係打錢入ib果d再做國債

轉ib 兌換美金買美債

對於一啲人嚟講，可以零成本零差價唱錢，再可以無風險攞4%鬆啲回報，咁長揸美金就make sense。

不過通常呢啲人都有啲金融知識，就可能走咗去買股票/國債，唔會做定期。

如果你要成日來來回回，唱錢又貴，年期又唔夠長去cover個匯率風險同埋唱錢成本，咁就未必抵做。

正常都係你咁諗
做定期或買國債呢啲投資
都唔係急用嘅錢 預咗長期投資
keep住美元 等佢自己滾
要流動性就keep現金 買股票算啦

IB換美金之後入返香港銀行

3.8定期?

咁點解唔放ib 有3.8活期

長渣梗係美金啦

港紙把撚咩