唔鍾意咁痴身嘅人係咪唔適合拍拖？

無論係屋企人，朋友定係同事，響日常生活各方面，我覺得自己係好需要個人空間，唔鍾意俾人咁痴身，亦都成日會玩即興，放飛自我，總係覺得我自己同其他人有一個唔太同嘅channel，再從中求同存異，而自己亦都好尊重人地嘅私隱同埋人身自由，起碼唔係會輕易同人地爆響口去講晒其他人身邊嘅是非
其實咁嘅人，咁需要自由度，就連獨處都冇問題，係咪真係唔適合拍拖？

拍拖一定要日日癡住咩，搵個同你一樣性格就得啦

咁你點解要拍拖？

有一個伴

但你唔想要人陪喎

就好似你想要個住火星的伴一樣


咁有同無都無分別

百貨應百客 你搵到個match 你channel既人咪可以拍拖

不過當你獨立到一個程度，例如幾個星期先想見對方一次，平時又無分享欲 同人share你既生活，咁你拍拖黎做乜？

係人有你有既心態？定係單純想解決性？如果係呢d心態，有好多更適合你既選項

鬼妹唔痴身

我覺得你講嘅唔係問題呀
其實冇咩話唔適合拍拖嘅 只係睇搵唔搵到適合嘅人啫
而且因為你唔會因寂寞/羨慕人哋有伴而迫自己進入一段未必適合自己嘅關係 你更加可以慢慢搵個真係適合自己嘅人

你搵到個唔痴身咪得