坦哈格上年10月底被曼聯解僱後，等到今年5月底搵到新工，接替沙比阿朗素，執掌利華古遜帥印。呢位「光頭名帥」選擇拉隊去巴西備戰新球季，首場熱身賽約戰法林明高U20，英國《太陽報》指有博彩公司開出利華古遜1.01倍客W，可見雙方實力理應相距懸殊。
點知開賽後，戰情出人意表，法林明高U20僅用2分鐘就入波打開紀錄，利華古遜試圖加強進攻，反而令防線暴露更多空位，被對手予取予攜，上半場已落後4球。踢到54分鐘，利華古遜更加落後0比5，直至去到70分鐘入波破蛋。
賽後呢位荷蘭名帥保持「記者會不敗」風格，聲稱唔在乎熱身賽賽果，最重要係球員冇受傷。
