你地食最多野個次食左啲咩？

請出招

波多野結衣

紅姐

應該都係去食自助餐, 5-6 round碟碟拎到滿

最飽都不外乎放題（唔小心叫多左但又要清晒佢） / buffet

我好記得自己係33碟
果陣中學雞，成班仔去左食果啲垃圾壽司放題
唔知邊個仆街提出左食最少果個要埋單
開頭諗住班撚樣只係排隊講下笑，
點知一坐低
班仆街好似成世未食過野咁
我果下心諗，嘩，屌你班仆街認真架

中學果陣個個都窮，果次6條友食
為咗中學雞無謂既尊嚴
為咗唔想輸咗事後比人拎黎笑
最緊要，係為咗唔撚埋果張單
我人生第一次用生命去食野

限時60分鐘壽司生死競賽正式開始
全部人都開始手起刀落，開始係咁塞野入口
啲碟愈疊愈撚高
個速度快到好似玩Minecraft 原地疊磚咁
連條運輸帶都開始出現斷層既情況
只要條帶一經過我地6個人既位置
就會乜撚都無哂
記得當晚有對情侶坐我地下家
我夠膽講
佢地果晚完全體驗到乜嘢叫都屎都冇得你食
你可能會好奇，問我地點解要食到咁撚狼？

如果你問得呢個問題
我諗你未去過啲垃圾壽司放題
全個場得2個壽司師傅
我地6個人食野既速度
係遠遠快撚過果2個師傅生產既速度
你唔搶黎食，就會一碟都落唔到口

戰情就係咁持續左大約40幾分鐘
大家都由一開始既狂風掃落葉
慢慢slow down落黎，個個都已經飽到上心口
講野大力啲都驚會噁返幾件出黎
Feel到去到尾聲，大家開始係到數各自食左幾多碟

我最記得果陣有個肥仔同學，仆你個街
佢果疊碟明顯高撚過其他人幾個馬位
起碼40幾碟，真係CLS
但係邊個食最多並唔係重點
最緊要既係，邊個食最少

我好記得果陣我食左30碟，望一望其他人啲碟
心諗，仆街啦，好似危危地
結果點完數之後，好在同場仲有個咁岩墊我屍底
佢食左28碟
我果下心諗：Yes!唔撚洗埋單啦，屌你班仆街啦

點知下一秒
條撚樣即刻係運輸帶拎左2碟壽司落黎咬
冇錯，佢係咬，唔撚係食
因為佢已經飽到冇辦法一野食落肚
事隔咁多年，我到今時今日
都未撚見過有人可以好似呢個fd咁
食壽司食到喪屍咁扯開返魚生黎咬

我果下心諗，屌你個閪
本來已經飽到上心口架啦，想我埋張單？
收皮啦！！！

即刻頂硬上，好似基拉爆seed咁
唔執輸都拎兩碟落黎食
騎撚住個仆街
個比數變左30:31
就係呢個時候，個店員走過黎同我地講
先生，你地其實都就夠鐘啦
大約仲有5分鐘左右就要比下個客人啦

仆你個街，其他4個fd聽完之後
望住我地兩個既眼神
就好似睇緊世界盃決賽最後加時5分鐘咁
開始係到吶喊助威
個肥仔仲要知自己贏鳩硬
係到拎住枝牙簽好風騷咁撩牙

話口未完
條撚樣又死唔斷氣咁拎左一碟落黎咬
我果下真係食唔撚落，即刻問
如果兩個人食既數量一樣點計

點知果4個仆街好似夾好咗咁
講咩你地兩個AA比哂張單咪得
我果下都知道班仆街唔會放過是但一個
唯有死死氣，即刻拎一碟返黎再騎住個仆街

我果下食果兩舊壽司既感覺
就好似係F1啲賽車手咁，每一啖，每一粒米
咀嚼嘅時間都無比漫長
體感好似放大咗一百倍咁
幾經辛苦先吞咗嗰兩舊壽司落肚
個比數黎到31:32

個戰況激烈到好似世界盃，法國對阿根廷咁
正當我諗住守得住個加時賽
諗住會就咁完場

點知個仆街好似死都唔想自己埋張單
老閪都拎多碟落黎想同我AA，想拖我落水
就係呢個時候，個店員都行咗過嚟叫我地要走啦
我果一刻腦入邊諗起龍珠
悟飯變超二打斯路，腦入邊開始響起 魂vs 魂
我用盡生命拎左最後一碟壽司
一野屌哂2件壽司落口

比賽宣布結束
最後個fd好唔情願咁去門口埋左張單
果一刻
我既心情應該拍得住阿仙奴球迷見到阿仙奴攞英超冠軍

事隔10幾年
每次班friend出嚟見面
都會講起呢壇嘢，笑鳩呢個friend
我知道，我果日贏咗嘅
唔係一餐飯錢，而係畢生嘅榮耀

冇見過依篇
你自己作嘅？

仆你個街係咪潮文黎 好撚好睇 笑到仆街

明將

食自助餐食到嘔小學生果陣

真係我自己經歷黎