Dr . Y xx 是黑店嗎？ - 痛症 / 脊椎側彎 揮手區

18定19年果陣中過伏
我有嚴重脊柱側彎10幾年，一直中西醫都試過咁去「醫」
但我本人已經放棄治療好耐，係老母成日鍥而不捨咁去搵新方法醫我
嗰陣老母就係咁啱上網見到呢條友，夾硬拉咗我去診所度
去到我同老母一齊俾佢疲勞式轟炸碌咗10萬蚊買咗兩個package (事後見到佢間嘢有啲角落有貼符，可能撞邪)

最撚嬲係佢嗰啲所謂嘅治療手法係流到仆街，連一般脊醫都不如
你幫我摙吓啲肌肉都好呀，但完全係冇
去到淨係玩吓倒立機，瞓吓按摩椅，之後按佢指示拉下筋就算，印象中兩個療程合共六次，之後影對比圖嗰陣仲搞笑，係叫你盡量坐正啲坐直啲咁影就話有改善

你哋話我好撚蠢又好點都好，但有時候受騙真係咁簡單
最大功德就係我哋當時勸退咗一對準備中伏嘅母女

已經報咗 最後會唔會肯採訪

除左做手術無野幫到脊柱側彎

我都希望我嘅功德無量話俾更多人聽唔好俾人利用想好返嘅心態
其實你媽咪都係因為錫你先盡佢所有嘅能力
去希望你好返
對於一個普通家庭嚟講10萬蚊
筆數都大

真係㗎？你見到嗰度有符！
其實我都覺得呢我平時好冷靜好理性唔知點解去到嗰度真係有種感覺好似鬼迷心竅覺得可能有用呢跟住就拎咗張卡出嚟
不幸中嘅大幸我嘅銀碼冇你咁大
但係比衰人一蚊都嫌多，最緊要係佢利用我哋病患者嘅心態！

你有冇當時啲收據喺度？
其實如果你做嘅前後唔對板冇任何好轉，海關話都係一啲證據
違反商品條例 可以tg 傾？

知道啦真係嗰下鬼迷心竅

我都知我老母係錫我，但自從嗰次之後我自己都企到好硬唔會再接受任何所謂嘅治療
而家靠自己做運動，令自己啲肌肉強壯啲，唔會咁容易腰酸骨痛
試過各種嘅治療前前後後都搞咗10幾年，其實都知道脊柱側彎呢間嘢冇話可以好返
你話要直返嘅話只可以靠手術去撬直番同埋搵金屬固定佢
如果唔係就只可以靠自身肌肉嘅強度去穩定住條脊椎令佢唔會惡化，同埋唔會影響你日常嘅生活機能

喺最後一次「療程」嗰陣佢捉住我拍片要我講話接受完治療之後好返晒
我就西住面好似讀稿咁話係呀係呀好似有幫助咁呀，之後佢都冇再強求我再講啲咩，事後都冇拎條片擺上網做宣傳

係嘅，我知道唔會真係直返
但對有同性長期受折磨嘅朋友仔真係好容易比呢啲所謂嘅醫生誤導，所以都好想講出嚟俾其他人提防

Pk!! 仲比佢逼到你拍，我係ig有一個苦主聯絡我，佢又係做完療程覺得完全冇效果，跟住對方要求佢拍片佢唔肯佢拒絕咗囉！