搶手貨變籮底橙　艾雲費格遜將投羅馬

出道初期被譽為「新哈利卡尼」嘅艾雲費格遜，由搶手貨變成籮底橙，現時更加未能喺英超立足，根據「轉會權威」記者羅曼諾(Fabrizio Romano)爆料，白禮頓決定將呢位20歲愛爾蘭國腳出售畀意甲球隊羅馬。

費格遜曾以18歲之齡成為白禮頓史上最年輕英超入波球員，2022/23年球季上陣25場入10球，一度獲曼聯等多間大球會垂青。不過，艾雲費格遜表現無以為繼，今年2月更加被外借去韋斯咸，8次披甲都冇入波，白禮頓決定今夏「清洗」佢。

羅馬提出以先借後買方式簽入艾雲費格遜，先借用1季，明夏以2,500萬歐元買斷佢，但白禮頓要求4,500萬歐元。

據悉兩間球會各讓一步，將買斷費定為3,500萬歐元(約3.2億港元)，但必須達到特定條件，羅馬明夏先至會買斷艾雲費格遜，就係佢新一季最少要創造30個入波(入球及助攻)。蘇超球隊些路迪亦曾經提出收購艾雲費格遜，但佢選擇去意甲搵食。

兩季之後 Delap都應該係咁

Delap純粹補個英人位

召喚加多包細薯條

召喚晴晴

去羅馬食屎啱晒