打工仔食lunch嘅基本禮儀 (長文慎入)

出嚟做嘢，同同事聯誼時間，最重要莫過於lunch time，但係小小嘅lunch time，又可以睇盡人生百態，好多嘢，以為係道理，咁大個人無理由唔知，原來你唔犯呢樣，都會中嗰樣。我哋先由食飯前講起。

召喚食飯
唔少人都會同自己幾個啱傾嘅同事食飯，吹水講是非，一班人當中，梗會有位「善心者」出聲叫大家食飯，點解叫善心者？因為絕多仆街都係鍾意做俾人叫果位，而通常「善心者」出聲後，總會有人話「俾我覆埋個mail先」、「去個廁所先」、更甚者係「你哋去攞位先」，即係自己係大帝，要人哋攞好位，幫你叫埋，坐底就有得食。再唔係有啲咀賤「你咁得閒食飯？我仲有大把嘢做喎」借啲椅都要枱高吓自己，林林種種嘅仆街行為，數之不盡。
有人話，乜你咁mean？咁有時真係忙緊行唔開吖嘛，其實忙大家都忙，有時遇上緊急事，無人會話你，如果你真係長期都咁忙，無問題，但又唔好expect全村人要等你一個，又或次次都係大爺咁最後出現，有機會人人食完要反而等埋你。所以你係大忙人不如考慮自己食，鍾意四點食都無人阻到你，總之就以唔影響人為大原則。世事係公平嘅，你enjoy工作，就要放棄social時間，非常公平。

遲到
引申落去，就係約定喺某間餐廳等。你鍾唔鍾意都好，香港地，好食嘅餐廳往往大排長龍，如果約定喺某間餐廳等，一定要務必準時到達，要知早到嗰位，非常慘，一個人霸住幾個位，俾侍應眼甘甘，俾出面等嘅人眼甘甘，自己就餓住等，你班大帝最後先施施然出現，大佬，lunch時間又短，又要等齊人先開飯，咁搞法都係自己食好過。

食乜嘢
第二樣是人生最痛苦問題，食乜嘢？每次有人發問，99.99%嘅人都係答「無所謂」，其實答無所謂係絕對絕對無問題，大前提係千祈咪事後嫌三嫌四，當中包括，1. 「無所謂，but……」講完無所謂，其實中西泰日韓都唔想食. 2. 「無所謂，但講乜ban乜」，又話呢樣太熱氣，果樣又尋日食過。 3. 「事後無所謂」, 當時就無所謂，食完先話其實啲嘢幾咁難食，都唔知邊個提議云云。以上都係好仆街行為，我自己都深以為戒，有事同事問我，我如果諗唔到話無所謂，我必定會跟對方提議，就算咁啱對方講咗一啲難食提議，我都唔會異議，呢個point正好帶出，如果人哋問想食乜，自己不妨都諗諗同俾意見，無人奉旨要遷就你嘅口味。

叫嘢食
叫嘢食都係一個藝術，首先，大班人去到餐廳坐低，總有人三心兩意，要成村人等佢一個，自己諗唔到食乜，仲要不斷問人食乜，而且仲要緒加意見，頂你lunch幾個鐘咩，快快趣叫咗佢咪阻住人地個位啦！ 其次就係一啲仆街成日提議share嚟食，大佬呀，同你又唔係熟，set lunch嚟，各自食自己咪好？最慘係有時啲食物跟本唔方便share，𢳂嚟𢳂去搞到成枱都係。當然啦，你幾個好friend，鍾意share無人阻止，但唔代表全世界都鍾意同你share嚟食。

埋單 / 夾錢
其實，負責埋單嘅人永遠係最慘，唔好同我講信用卡有積分，呢啲分我永遠寧願唔賺！呢個世界仆街實在太多，你俾完錢，你要負責除埋條數，永遠有仆街唔信: 下邊有咁貴？ 跟住最慘就係收數，明明你墊支幫咗大家，啲人總會有萬千藉口唔還俾你: 等陣先啦, 忙緊 / 幾草嘢你使唔使係咁追呀? / 我銀包咁啱無錢, 爭住你先，以至直頭無出聲無反應無回事。大家都係打工仔，無啦啦做乜要請你食飯，最慘係，過一排又唔記得，早追啲人又話你發錢寒，遲追又當無回事，呢啲可謂仆街之最，請大家即刻諗吓有冇爭人數，快快脆還番俾人啦！

自己食最好 咪撚煩

連燈毒撚：自己一個食飯

我都唔係孤獨L，但係真心: 你會愈嚟愈迷上一個人食飯, 同事約 (even靚女)都唔想去, 但基於keep住關係, 都會笑笑口應承.

我又窮又毒，帶飯

prefer自己食
最好班契弟咪撚搞尻我me time

啲同事最鍾意拖
出去搵位先不知幾好