認真討論耶穌同夏娃係唔係變性人？

小弟聖公會小學讀過，已經唔記得聖經嘅大部分內容，但係我一直有一個疑問。
耶穌同夏娃係唔係變性人？
聖母處女生仔，而上帝又唔係一個物質上嘅父親，所以耶穌應該淨係得女性嘅染色體。理論上嚟講耶穌係一個生理上嘅女性，但係卻以兒子呢個男性身份認同週圍蒲。所以耶穌係FTM？
而夏娃係亞當嘅一條肋骨生造嚟嘅，梗係淨得男性嘅染色體。即係生理上嘅男性，但係同咗亞當結咗婚做亞當嘅妻子。所以夏娃係MTF？
但係如果話佢哋兩個都係有上帝嘅DNA，咁上帝就唔係一個精神上嘅存在，而係物理上嘅存在。再者，憑乜嘢兩個都係有上帝DNA嘅人，一個可以拋頭露面咁話自己係上帝嘅仔，另外一個就乜嘢同上帝嘅血緣關係都唔存在。而且，假如夏娃是上帝同亞當嘅結晶，咁傳統上大概係男性嘅上帝係唔係同性戀？
我小學嘅時候就喺度諗緊，不過一直都唔夠膽問宗教科嘅老師同埋牧師。
有冇巴打、絲打可以解惑下？

聽故唔好駁故
作者嗰個年代對DNA無認知
虛構野唔好用現今科學角度去諗

用科學解釋神學係多餘嘅

上帝抆走咗亞當條Y染色體再clone多條X嚟創造夏娃

所以夏娃唔係MTF，不過應該有遺傳病

不如解釋左果陣點處女生仔先

其實好難討論 個ground 好似要定得好啲先有得討論落去。
如果你接受可以無中生有有亞當，咁討論染色體 dna基本無意思，因為神可以憑空製造dna. 如果你覺得神又要跟返啲基因慢慢砌，仲要搵個女人/男人生育配返，咁基本上又唔洗討論，咁你創造亞當已經係可以當故仔。
當你討論既野超越左平時既常理，你好難再用好似養馬配種既概念黎討論造人。

幾千年前嘅試管嬰兒
啲人只係神化咗上帝啫