信報】酒樓執笠三大因素：面積大、需名廚、移民潮！

本港很多消費者依然喜歡「食點心」，只不過愈來愈多人沒啥興趣「上酒樓」，他們卻在其他地方（例如點心專門店）或使用其他方式（外賣App）來品嘗「一盅兩件」。

作為比較，一家傳統酒樓通常面積較大，動輒可容納數以百計客人，採用中式裝修，尤其是需要「高樓底」才夠富麗堂皇；同時，酒樓提供的食物亦更廣泛，除了點心，往往還包括海鮮、燒味、精美小菜等。

相反，點心專門店一般面積較小，最細只需數百方呎便可開業，通常採用簡潔的現代化裝修，亦不一定需要「高樓底」；此外，顧名思義，點心專門店主打點心，食品選擇不及傳統酒樓包羅萬有。

新式裝修快捷服務 取悅年輕客

近年來，傳統酒樓與點心專門店在本港呈現此消彼長形勢，背後主要存在三大因素。首先關乎食客喜好變化，特別是年輕世代普遍不喜歡傳統酒樓的中式裝修風格及人多吵雜環境，他們尤其不習慣「搭枱」。相較之下，點心專門店的新式裝修及快捷服務節奏，顯然更加符合年輕顧客脾胃。

同時，很多點心專門店不受傳統規限，積極推出更多創新口味及fusion風格點心，為食客帶來新意，比起酒樓更具條件開拓年輕客源。

其次涉及人口結構變化，事關傳統酒樓以往通常是家族聚餐首選，一張大枱坐滿十幾廿人，非常熱鬧。但隨着本港社會出現「少子化」及「原子化家庭」趨勢，再加上近年「移民潮」影響，導致人多勢眾之大家族日益罕見。舉例說，一些家族原本有十多人，每月在酒樓「三代同堂」聚餐兩三次；但近年中生代帶着小孩移居海外，剩下老一輩留港，這難免令酒樓的客源及生意驟降。更甚者，部分獨自留港的長者，可能已沒心情再去飲茶，實在頗為唏噓。

人手有限皮費輕 可靈活轉身

最後一個因素與經營成本有關，如上文提到，傳統酒樓既需要大面積及「高樓底」場地，又要在廚房聘用多名大廚，炮製海鮮、燒味、小菜等食物，故此租金及工資等「皮費」沉重，兼逢市場需求及生意額縮減，甚難「計得掂數」。反觀點心專門點只需租賃數百至千多方呎樓面，又毋須聘用太多廚房人手，能夠輕裝上路，可以更靈活地經營，難怪近年如雨後春筍湧現。

無可否認，眼下本港經濟前景不明朗，餐飲業尤其生意難做，食肆倒閉消息幾乎無日無之。但「難做」不代表「冇得做」，在逆境和低潮當中未必沒有生存的空間。除了近年「當旺」的兩餸飯和烘焙店之外，點心專門店之冒起亦是一個很好的例子。

https://hk.finance.yahoo.com/news/%E6%96%B0%E8%81%9E%E9%BB%9E%E8%A9%95-%E9%85%92%E6%A8%93%E5%9F%B7%E7%AC%A0-%E9%BB%9E%E5%BF%83%E5%BA%97-%E5%86%92%E8%B5%B7-190100624.html

即係


「Up Dum」裝修、預製劣食

就win

政府話冇移民潮喎

係外勞唔食你

支鬼愛食草

Win

都話轉型架啦多謝祖國

按摩處查查佢好喎，邊度嚟移民潮

無哂後生仔 。放棄年輕一代人 。無人結婚 。最大舊擺酒收入少撚哂 。跟住無滿月酒百日宴 。

不過唔怕 。有外勞同新港人 。佢地十幾廿萬擺下酒就攪掂 。由治及興

香港要行高檔路線
低檔唔會夠大陸玩

酒樓執粒兩大因素
人工高
租金貴

食爆社署，塞爆公屋就有份

細細個阿媽帶我去食老麥，再去食酒樓
我成日問點解酒樓仲唔執

假新聞

最後嗰個先係真正原因

請尼條柒頭去酒樓做私房菜啦

包一個月內執笠

若然我無估錯，閣下應該係姓賴的

佢地返大6擺就有

酒樓唔大間 好食都唔慌平
無人想預製野掛
最後多數留港撚都係食垃圾收場

依家仲去茶樓嘅係咩人多?

而家去飲茶只會去酒店中菜廳

傳統酒樓環境太嘈

香港人唔鍾意搭檯
酒樓啲檯咁大根本就過時

最衰係美心大小姐放棄左我地年青一代。
以前刀全靠佢養住全港年青人咋。

先唔講北上，有時唔係唔想去酒樓，但酒樓啲點心太難食，所以先去點心專門店。其實坐係酒樓好坐啲，有飲茶個feel, 但食物真係搞唔掂

其次涉及人口結構變化，事關傳統酒樓以往通常是家族聚餐首選，一張大枱坐滿十幾廿人，非常熱鬧。但隨着本港社會出現「少子化」及「原子化家庭」趨勢，再加上近年「移民潮」影響，導致人多勢眾之大家族日益罕見。舉例說，一些家族原本有十多人，每月在酒樓「三代同堂」聚餐兩三次；但近年中生代帶着小孩移居海外，剩下老一輩留港，這難免令酒樓的客源及生意驟降。更甚者，部分獨自留港的長者，可能已沒心情再去飲茶，實在頗為唏噓。


咁大段 講移民潮 得唔得架