話說尋日睇左篇文章,個作者問91歲嘅爺爺:「老去嘅感覺係點?」爺爺沉思左一陣就答佢:「老去嘅感覺就好似沖涼無熱水咁。開始嘅時候,水太熱會燙傷自己,但慢慢調節好後,就會熱得黎好舒服。你會以為個種沖熱水涼嘅幸福可以一直落去。」
「但到四、五十歲嘅時候,水會慢慢變涼,一開始唔發覺的,係逐少逐少咁變涼。儘管你嘗試扭更多嘅熱水,但原來熱水龍頭一早扭到盡

。老去嘅感覺就係咁,只能夠係沖涼水,回憶返以前沖熱水涼嘅感覺。」
爺爺仲話有朋友以自己嘅方式離開沐浴間,但佢選擇順其自然,靜候時刻的來臨。
而家呢種老去嘅唸法係腦海揮之不去,成個人都充斥住悶悶不樂嘅感覺,有無人明我講咩?
