9月想去一轉青甘大環走

我知道七至八月係旺季，因為有油菜花睇。
但暑假我驚多人到hihi ，所以打算九月去一轉。
上網見到原來香港航空有直飛青海西寧，
但唔知點解啲機票去到成$7000一張，而下個月只不過係$2000左右…

請問係唔係正常呢？唔知幾時會做特價…
同事想問吓大家有冇玩過呢條線？覺得點樣？

冇咩人去過嗎？

去得咁遠 係唔係通常都玩埋去西藏 新疆？

有啲飛係政府贊助
同比旅行社攞哂位
青海其實睇既野唔算多
反而甘肅多好多景點舒服咁走可能14日差唔多

青甘….仲以為青森，原來係青海甘肅，睇到我

廿幾年前去過敦煌、酒泉、嘉峪關。當年商業味冇咁重，人唔算多，顯得比較荒涼。

酒泉、嘉峪關有機會可以留到黃昏（當然要留意安全），睇住太陽喺地平線落下，感覺好特別，好似身處嘅文明消失緊，自己穿越返左去古代，好有電影感 。

另外，聽講張掖都好多景點，但我未去過

咁可能去到9月真係冇左政府SPONSOR...
如果係咁就唔抵玩啦，張機票可以去轉歐洲

西安/烏魯木齊入都得
反正再坐高鐵

得閒再睇下，成日有千幾二千來回，間中放位
無咪上深圳飛，蘭州入，西寧走都得

暑假係最靚，

剛剛上左香港航空個app 搵，發覺9月未有價錢，
可能跟本就未出，咁我等多陣先
到時包車玩唔洗煩

佢應該睇下客源夠唔夠，睇下仲開唔開，因9月開始滅季，佢暑假開比旅行團

香港岀發都係要北京等地再轉機先到西寧
一係就深圳直飛西寧3小時
不過深圳去仲貴過香港轉機飛五六百蚊

但客源唔夠唔係應該要減價咩

香港飛唔抵，上深圳飛都好方便，可以飛蘭州食個牛肉麵先，跟住再坐火車去西寧好方便

啱啱去緊
8日去甘肅。青海。嘉峪關。張掖咁玩
某啲景點真係好靚
不過天氣好睇彩數+坐車坐到想死

我前後最多得8日可以玩

你包車嗎？

香港跟旅行團
好好彩去全部景點都晴天
莫哥窟。七彩丹霞。鹽湖都好值得去

正呀，不過機票仲係7000幾...

我香港旅行團
全包機票酒店早午晚餐保險領隊導遊2+1旅遊大巴都係$10xxx埋單

如果我去，我會包私家車，Privacy 大好多。
同埋都會安排所有酒店 (4星)，當中有一晚會CAMPING
不過價格同你都係差唔多，可能再平少少

之前去喺蘭州出發再到敦煌同張掖，最尾去完西寧再搭返車返蘭州，青海湖要睇當日天氣，我去嗰陣唔係晴天所以冇乜特別
茶卡鹽湖同翡翠湖ok，幾靚，成個旅程最鍾意敦煌，本身鍾意睇歷史文化嘢，莫高窟幾值得去，不過人多唔係睇咗好多個窿。仲有鳴沙山，幾多嘢玩可以滑沙嗰啲，但夏天好似成40度。
張掖都多景點但冇留太耐，每日預搭3-4個鐘車，沿途係戈壁無人區，好撚大，喺蘭州一路出發喺黃土高原去到青藏高原，途經大草原、雪山，我去嗰幾日經歷完熱到仆街後經雪山嗰段路出面有飄雪，可能會有少少高原反應，可以買支氧吸下。都推薦嘅，不過屋企人去過新疆，佢哋話新疆好玩啲同靚好多

你包車都有司機或者加埋導遊
你係車做啲咩咁唔見得光
Btw我呢個價附左青海嗰邊有2晚條件所限唔係5星級酒店
其他都係5星級
青海嗰2晚間房都算靚
不過當地文化所以無冷氣
啲團餐都叫唔錯

簡單轉一個圈夠啦，除左敦煌要住2晚，其他1晚都得