《凶器》Weapons（7月底上）

佢套宿劫 好好多
呢套不過不失

套戲一開頭話真實事件 🫢
但我覺得唔太似

根本個阿婆去完校長度就已經會俾人通緝啦

呢套最搶戲係道友james ，冇佢真係比較悶，佢同差佬paul 玩捉伊因同埋打不死好好笑

睇到尾全場笑到勁撚歡樂
之前吹到話依套好好睇個d真係狗黎

其實個故事係幾有potential，多線敍事用得唔錯，小鎮懸疑個氣氛又營造得夠恐怖，只係個幕外魔王設計太求奇，結局又唔夠鋪展，好似趕住完咁

如果jordan peele做監製+幫手補補個劇本，應該上到一線級數恐怖片

冇說服力架
世上有樣野叫警犬
仲要細路間屋都喺住宅區

乜嘢叫正常先？有個套路好似金田一咁 ?
最憎啲人睇戲真係當自己神探咁估凶手
又搵錯處又話乜乜柒柒唔合理

Come on
可唔可以嘗試下enjoy套戲本身呢
我覺得近兩年驚慄片嚟講呢套都有三甲
門逃(Heretic)就自己心水第一

點解成日要估
成個kam撚咁

睇戲係咁搵bug，真係鄧佢地辛苦

完全正確
套戲咁多位可以欣賞
剪接 配樂 講故仔嘅技巧

啲連登kam撚睇戲淨係鐘意搵bug搵犯駁
覺得自己好威威咁

隱喻 metaphor
導演有嘢想講嘅

原來係咁

垃圾戲 成套勁多bug overrated

睇戲好主觀
呢套我就真係完全enjoy 唔到
除左講故仔結構之外幾乎一無是處

攞門逃黎講嘅話，無論立意定係氣氛營造
門逃都遠勝呢套空氣

我認同唔使成日講乜野合唔合理
大把野唔合理，獅子王隻獅子講人話都係唔需要合理嘅
但係一個故事最重要係符合套戲個世界觀嘅邏輯同合情
所以你要觀眾接納呢個世界有巫術
ok that's fine，呢個世界有巫術
但係你就要有一個好好嘅設定
你可以唔講出黎，但要有
情形就好似，據講黑澤明拍《七武士》嘅時候，連一個村民臨記都寫左角色小傳畀佢
因為佢認為無背景嘅人係唔存在嘅

設定會影響角色嘅行為
例如點解係操控一個人而唔係殺一個人
可能係源於一啲局限

而呢啲野設計得唔夠好，觀眾係唔需要花精神去搵bug
睇嘅時候已經隱約感受到奇怪
有啲敏銳嘅人講得出，有啲講唔到咁解

除左巫術設定
仲有好多位大家睇到唔舒服
明顯係寫嗰個都無諗清楚

就算由得所有設定上嘅野
藝術作品分為訊息同娛樂
訊息方面，用寄生蟲（課堂討論）、夢到槍枝呢啲symbols 去做暗示
但基本上就只係暗示自己想講呢類野
無咩話深入探討
巫婆用巫術操控人成為武器，即係教育制度植入思想就好似寄生蟲取代宿主意志咁？
訊息方面探討唔夠

娛樂方面
除左道友James 有趣之外，仲有啲咩？
係個結構有啲趣味囉，個餡得個悶字
娛樂性係黎自衝突
無論係Aaron Sorkin 成日講intention and obstacle 定係幾十年前Syd Field 教編劇嗰種寫法
重點係要有想要嘅野同衝突

咁巫婆係點？佢想要咩？
唔好話係show don't tell
直頭係又無show又無tell
要你去估
前面個個comment 都係估佢回春，個重點係大家都係靠估
從來都唔明顯，唔同話老豆唔見左個仔好想搵返個仔呢種動機

即係咁講，就算當巫婆要回春，所以要害啲細路
但係點解連姨甥女同姨甥孫一家都要害？
毫無原因咁走出黎阿婆出黎連親人都害
suppose 應該要有啲原因或者動機下話
無，乜都無
就好似天災一樣

如果係天災、異形嗰類都得
佢就純粹係惡嘅存在
如果係咁，通常個intention and obstacle 就走左去應對呢樣野嘅人度
用呢個角度去睇，除左Thanos 條線之外，有邊條線係好睇？
道友同差佬係咁啱得咁橋撞破到間屋咋喎
佢地基本上個動機或者想要嘅野同巫婆係無關係架喎

除非你話佢地嘅存在，係為左映襯佢主力想敘述嘅訊息，咁就可以justify 個存在
但正如上面講，訊息方面我又覺得好模糊
娛樂方面又感受唔到個戲劇張力，感覺唔到有幾多衝突

你有你enjoy 套戲，睇戲主觀嘅
但係你唔好講到你口味就贏晒
come 咩on，依家係咪唔鍾意一套戲都唔畀？

犯駁位好多嘅一套恐怖片
今日睇完都即刻上嚟講

坦白講 拎驚慄心態入場
好多jumpscare 同劇情都毫無關聯
純配合音效為嚇而嚇 = 低莊手法
例如女主角嚇醒望上天花板 + 滅霸喺床懺悔

俾觀眾嘅訊息係九唔搭八
不斷睇到嘅217係咩意思？唔知
滅霸發夢見到天空把槍咩意思？唔知
阿婆巫術嘅解釋？唔知
成班角色做緊嘅事都冇動機

唔會再信外國影評 吹到咁大
又話2025最佳恐怖片

https://x.com/Luiz_Fernando_J/status/1954560569505153381
超收得，已經差唔多係成本既兩倍
睇下會唔會好似smile咁黎個witch字宙

你睇過導演之前個套野, 就唔會入場睇呢套,
之前個套十足以前港產LOW BUD野, 唔係好差, 係好一般, 鳩鳩地咁囉.

租嚇係鬼片包裝既溫情片

今日睇完，真係好掂，樓上話唔好睇嗰班死全家

頭先隔離《長黐》先講起

其中一個jumpscare位係
但呢個位有得解，因為係
亦即係話唔會為左jumpscare 而jumpscare
所謂恐怖，最大嘅恐懼就係黎自人嘅弱點

呢樣野個傳統應該係黎自《驅魔人》
我估係呢套經典定義左恐怖片
《驅魔人》個細路女俾鬼上身，個弱點係缺乏父愛
Damien 神父嘅弱點係阿媽死嘅時候自己唔喺身邊

但係空氣啲角色發夢嚇親
嚇佢地嘅係咪好似《驅魔人》咁，係俾自己嘅弱點嚇親？
我就唔係好睇到
似係為左嚇觀眾而去嚇咁

𠵱套戲嘅神鬼懸疑 真係九唔搭八
兩個角色都俾阿婆jumpscare嚇過 但同劇情係零關係
佢哋現實又唔調查探究下 個小丑🤡阿婆係何許人也？
做乜鳩會夢見佢？

為純嚇觀眾咁點解唔用嚟表達深層訊息
例如原來多村民都sense過阿婆𠵱個夢魘
條村有恐怖嘢嚟咗 俾觀眾代入落村民個氣氛

泡菜有套「哭聲」嘅恐怖片
同樣地講神鬼巫術 精彩絕倫過𠵱套好多

一個出色嘅故仔要有想像空間比觀眾
觀眾想估兇手係因為投入個故仔
投入落老師同老豆嘅角色，自然就會想估啲細路去左邊
想估兇手，自然就會留意細節，留意每一樣嘢嘅合理性
就算一個3歲細路聽睡前故事都會問點解
一個懸疑故事，如果淨係聽導演講故仔，完全唔比估，唔比人理啲bug，咁呢個故仔都幾失敗
拎2個世界級例子
Interception 到今日都仲有人估究竟最尾係咪夢
Shutter Island到今日都仲有人估主角其實係白卡

然後你叫我唔好估兇手，enjoy下套戲本身
咁套戲"本身"值得enjoy嘅位喺邊
不如你都講下

呢2下jumpscare 真係勁low

加埋道友喺森林嗰下
出現左3次小丑
但見到小丑嘅原因，似乎係因為導演想小丑出現，所以就出現
無起承轉合，出現就純粹係為左加入驚嚇原素，而唔係為左講故仔