湯文亮：香港除了金融，地產，醫療，教育等硬實力之外仲有一些好似香港小姐，中年好聲音等軟實力不宜妄自菲薄

極速神驅

11 回覆

2 Like 5 Dislike

極速神驅 2025-07-15 21:09:23

有區議員參加香港小姐選舉，最後被勸退，不過，當事人當然唔會承認被勸退，而是話自己自動退出，有老友話，區議員點解咁蠢，做區議員又點可以做香港小姐，唔係唔可以做，如果選到香港小姐才做區議員，相信不但不會被人勸退，而且作為重點宣傳，由此可見，香港小姐與區議員是可以並存，不過就要注意先後，區議員當然唔可以選香港小姐，連些少政治智慧都冇，區議員很難做得好。

唔講大家未必知道，在我初出道時，經常同豬朋去飲酒，一定有豬朋話，幾個男人飲齋酒，真係好悶，不如搵幾個小姐一齊飲，唔會有人反對，不過，在那些小姐來到之後，發覺水準很參差，一定有一些靚女，但烏鴉亦不少，在道義上不能留低靚女，叫烏鴉先走，最後全部要遣散，不過走還走，一樣要俾小費，豪哥知道一定會唱，剛到的小姐被退了，九千蚊白花了。

https://www.property.hk/article_content.php?author=PHK_TML&id=139538

極速神驅 2025-07-15 21:09:59

又隔了一段時間，大家始終發覺，幾個男人飲齋酒真係好悶，又有狗友話不如搵幾個香港小姐一齊飲酒，聽到香港小姐，大家立刻醒神，有TVB做QC，質素點都唔會差，香港小姐到來之後，發覺亦不外如是，閒談之間，大家了解他們只是曾經參選香港小姐，即是考生同狀元分別，不過亦沒有問題，大家只是傾下閒計。

香港小姐不但對男士有吸引力，對女士亦有吸引力，每年的香港小姐選舉，全世界不少城市都舉行預賽，雖然未能做到，有華人的城市就有香港小姐預賽，但對於那些舉辦預賽的城市亦是一件盛事，由此可見，香港小姐的軟實力的確非凡，現在香港小姐的質素愈來愈高，對於我們來說，已經是可望而不可即，不如返屋企睇電視好過，話時話，我起碼有超過二十年冇睇香港小姐選舉，不過一雞死，一雞鳴，有另一個節目代替香港小姐。

有老友叫我入新界食飯，我話山長水遠唔去，老友話中二冠軍的老豆請食飯，有歌聽，譚老闆我認識，於是入新界食飯，去到之後有一隊樂隊以及和音等緊我們，譚老闆話今晚冇歌星，每個客人都是歌星，一定要落場唱歌，我從未試過由五人大樂隊及和音伴唱，又幾好玩，正當我唱歌的時候，有手機響起，其中一個客人話老婆急call，要立刻走，非常唏噓，於是我唱鐘聲響起歸家的訊號，在這生命裡，彷彿帶點唏噓，幾個月之後，黃博攞中三冠軍，中四立即接受報名，我相信中年好聲音完全可以代替香港小姐，甚至有過之而無不及，將會有不少城市為中年好聲音做預賽，而事實上香港小姐與中年好聲音都是香港軟實力，千祈唔好浪費。

真係唔知點解，不少香港人睇少香港，認為香港已經冇前途，不但大幅輸比新加坡，甚至連台灣都比不上，其實，香港除了金融，地產，醫療，教育等硬實力之外，仲有一些好似香港小姐，中年好聲音等軟實力，不宜妄自菲薄，現在經濟不大好，可視為小小苦楚，等於激勵，香港很快可以再出發。

栗悟飯與龜波氣功 2025-07-15 21:10:28

當mirror死？