其實人係咪越大情緒波動就越細？

我覺得個人越大個就越多時間處於一種「無情緒」嘅狀態。其實我好唔鍾意咁，細細個攞住粒波子都可以玩半日，好易開心。當然都會因為仆咗個街咁小嘅事而喊。

雖然傷心嘅時候好辛苦好難受，但細個果陣我覺得自己先係一個真正嘅人，有唔同情緒、感受，好似真係全心全力咁感受同探索呢個世界。

宜家大個咗，日日都好似喪屍咁，其實已經成日都俾自己食下好嘢、同朋友出下街，我都覺得幾開心，但就係好似唔夠開心咁。即係suppose同朋友出街係100分嘅開心，但我往往感受到嘅只有20分，好似有啲障礙阻住我開心。

而去返日常生活，就是在90%時間基本上都係無乜情緒波伏，一啲開心嘅感覺都無，但都無抑鬱，只係好無感，做咩都提唔太起勁，好似一個沒有靈魂的軀殼。

有冇咩方法可以搵返對日常生活嘅熱愛，我想做返一個活生生嘅人，唔想好似隻喪屍咁…

應該係人越大情緒就越大
但係唔會咁容易顯露俾其他人睇

所以點解咁多成年人都會抑鬱
就係因為佢哋收埋咗好大嘅情緒

唔係 得香港男人係咁

係唔係有血壓問題?

老人家顯露得多
因為都忍讓左幾十年，覺得係時候收返啲紅利
呢個時候可以睇到人嘅品格，有啲老人都係會keep住忍讓，有啲有所要求但合理，有啲冇乜知識冇乜sense嘅就成日情緒勒索

認真你會唔會考慮去睇吓醫生

你啲症狀好似抑鬱症

人大左
咩生離死別、人情冷暖都經歷過
睇透左呢個世界既底牌
知道呢個世界既底層邏輯
自然心如止水
如如不動

睇左人越大波越細

嬲what 煩what? 咪又係要自己做 又係自己做包底 嘈咩姐？有咩好怨？怨完咪又係自己解決

由細到大都無乜情緒
睇見啲人感情用事就覺得佢廢人

鬱症

睇錯人越大波情緒越細

經歷越多就會咁

都可以話係
廿零嗰陣仲好多情緒
亦喺嗰段時間經歷父母雙亡
慢慢同屋企人都斷晒聯絡
生活自此越來越孤獨
而家睇返嗰時嘅我情緒好大起大落
之後朋友移民嘅、生仔唔得閒搵嘅等等
到三十幾時經歷咗一次好傷嘅失戀

到而家又隔咗好多年
啱啱就早幾日發生，比同事背後隊咗鑊勁
我知道件事嘅時侯竟然冇反應
事後有諗返咁都唔嬲？又真係無
而家除咗碌d貓貓狗狗片會笑之外都唔知幾耐無笑過
喊就更加無咩會再值得

我個鬼佬朋友話佢都係咁

你有經驗 咪識反應囉
人大左好多野都識做好準備架啦
連開心都會準備
試下接觸新事物
攞下刺激囉

情緒要處理 理解接受 收埋盞辛苦

我都有諗緊會唔會睇下

因為已經用咗好多方法令自己開心啲、個人自在啲，但我少數會100%情緒釋放嘅時間係飲酒果陣（which is我覺得好唔健康。。）

個人一清醒返，就即刻變返喪屍mode

其實我唔知係咪一種自我保護機制，令自己唔會對一啲挫敗/唔好嘅事傷心

定其實只係麻木咗。。

多謝你 我近排都想做下運動 行下山，唔知會唔會好啲

我都好認同 但我好多時候都覺得自己無情緒，但事實又唔係咁

我好多時會睇電影/劇/聽歌果陣喊，但我唔知點解，我淨係知自己有時會突然好唔開心

感性唔係壞事 直面自己

其實唔關年紀事
講到尾都係講錢，錢就係你嘅底氣

舉個例返工受氣，但係因為你窮，所以你都只可以焗住情緒波動低，唔可以開波

但係啲有錢仔鍾意點撚樣都得，又唔使睇人面色，啲情緒鍾意點波動都得，就係因為佢哋有充足嘅底氣

就係咁簡單

睇錯波越細

有病就去睇醫生，唔好拉其他人落水