爆第二集！香港名校面試班：禁去廁所，不聽話就讀垃圾小學！

又唔係咗講 有實力都要識marketing
更何況 運動同音樂鬧得仲甘

係咪想害死佢個仔 家暴都似

去個廁所都有機制 咩世界

成功唔係得一條路。

明顯個律師係成功咗之後回想返條路點行，就覺得世界上得一條路，就係佢行嘅嗰條先係成功之路，其他都係垃圾。所以佢先會不停用自己讀名校同擁有律師事務所做例子去證明佢client都有一樣睇法，個Ms Cheung 咁做係無錯，成就就係要咁樣犧牲自我同尊嚴嘅做法。

我係好同意要成功係要靠自我紀律，依樣係毋庸置疑。但尊重何嘗唔係做個成功嘅人其中一個要素呢？

一班從未被人真正尊重嘅人係唔會明白點樣去尊重人。依班人好可能只係識用成就去判斷一個人嘅好壞高低，即係見高拜就見低踩。見到比自己弱嘅人係無同理心，覺得無需要去從根本去了解一個人嘅個性、處境同需要。

我識得人唔多，但見過嘅人都唔少。識得嘅成功人士有佢同Ms Cheung 依種人，但有好多係擁有一樣成就，但待人接物都好謙虛同仁慈嘅人。一山還有一山高，你今日得意，或者聽日失意，到最後你嘅成就都係等後人評價。

Ms Cheung 有責任去教育培訓一班小朋友，佢有權力去選擇要點樣實行佢嘅一套。但我始終相信一個從未被人善待嘅人，好大機會長大後都會用返同一個視野同做去去待人接物。因為佢哋覺得自己成就都只係自己透過努力同犧牲得返嚟，而世界就係咁殘酷；完全忽略事實上自己有嘅成就背後係好多人幫助、貢獻同犧牲。

為人師表，要識嘅又點只學識同面試技巧。十年樹木，百年樹人。你問點解某啲地方嘅人特別mean，特別鍾意幸災樂禍，即係睇人仆街？你見吓為人師表嘅例子Ms Cheung係點樣灌輸佢片面世界觀同人生觀畀我哋嘅下一代？點解有啲人選擇提早人生game over？

做教育就好似社會嘅工程師，你想未來社會係點，為人師表就係要從每一日開始教育下一代，世界係點同世界係可以點。好可惜Ms Cheung嘅世界就只有弱肉強食，用完全達爾文理論同方式去教育下一代。完全忽略事實上文明係要透過合作去達成，而真正嘅合作係唔好以缺乏同理心。

未來佢嘅學生有幾多個成功，有幾多個係因為入唔到香港某某名校就失敗都係未知之數。但我可以肯定嘅係只要依種教育方式唔變，再成功嘅人都只會好似Ms Cheung同呀律師咁，只係識圍爐打飛機。覺得自己嘅香港依個彈丸之地，搵到兩個錢，入到XX club 打網球就係成就。當然好多人恨都恨唔到佢哋擁有嘅嘢，但做人何必要向下比呢？咁成功都要向下比會唔好有啲不思進取呢？

Ms Cheung係可以對小朋友更有愛心更仁慈，但佢無，我相信以上就係佢同律師嘅人生觀。王家衛電影<<一代宗師>>強調一點 —— 「見自己，見天地，見眾生」。武林係咁，返工係咁，其實做人都一樣。Ms Cheung嘅工作係要「見眾生」，我假設佢係見過自己，可惜佢連「見天地」都未做到就去「見眾生」，完全係枉為人師。

佢今日畀人插都完全係合情合理。

Ms Cheung 係覺得有人去廁所就係唔聽話，唔聽話係挑戰佢權力，挑戰佢權力就當然係錯。

同個小朋友有無需要去廁所係完全無關係的。

然後只係喺香港嚟講，小朋友發現大個香港仲有一班屋企有錢入國際學校嘅IB仔女，而世界仲有一大班Ivy League或者出身哈佛劍橋，屋企喺歐洲有座幾百年大宅或者意大利有座古堡嘅人。

佢哋個個都身光頸靚，唔洗搵到幾多百萬先乞到個local club身分打網球同飲紅酒。最重要嘅係依班人係散發住由內到外嘅自信，舉手投足都充滿感染力。

當呀名校仔同班IB仔女吹水嘅時候，班人分享緊佢哋對Proto Indo European reconstructed hypothetical ancestor language 同Lithuanian language嘅關係嘅睇法。而呀名校仔女join 佢哋之前突登背熟咗XX紅酒同威士忌嘅產地同口味，又背埋各跑車有乜特點同價錢，更溫熟埋Roman Republic 同Roman Empire嘅歷史。諗住可以晒晒命，可以搭得上嘴，咁樣就唔會顯得自己落伍。

點知今日開題開得咁偏門，佢連立陶宛喺邊都未知，佢一句都答唔上嘴。為咗突顯自己識野，佢話忽然佢覺得立陶宛語好俄羅斯語好相似，就好似西班牙文同意大利文咁。

忽然空氣凝住，group 入面有個立陶宛人話兩種語言係唔相通。一個係Baltic language，一個Slavic language。雖然立陶宛係唔少人識俄羅斯語，但代表兩種語言係相通。

呀名校仔忽然鳩都縮埋。個立陶宛人見佢咁驚就打個完場，「唔緊要，其實一般人成日都搞唔清我哋國家，有機會你嚟立陶宛我帶你去玩啦。」

名校仔花一生努力去唔做個「普通人」，佢覺得自己係天之驕子。但佢望一望自己叫嘅2021年嘅Macallan 25，再望一望朋友們叫嘅嘉士伯啤酒，佢忽然覺得無論點佢都買唔起佢哋嘅嘉士伯。

繁支

autism 、ADHD 有正規嘅輔導同社交訓練，呢個老師係旁門左道，一段小朋友都唔適合，有特殊需要嘅小朋友上完問題會惡化

咁又冇人拎槍迫佢讀既
佢可以自由走