覺唔覺得政府同公營機構特別多人事問題同在職欺凌？

唔係話私人工冇人事問題同職場欺凌

只係私人工流動性高，東家唔打打西家
啲老屎忽玩得太盡既話太不了咪辭工/轉
相對冇咁易出現呢啲問題

做政府/公營機構/學校尤其穩定跟Point跳嗰啲
啲老屎忽自己就坐到實一實
睇死啲細既為份糧同穩定唔捨得走
搞埋晒啲小動作，雞蛋裡挑骨頭，精神壓迫你

幾年前李東海小學林麗棠老師自殺嗰單野就係咁
唔係單野搞大咗，個校長可能仲繼續欺壓緊其他教職員

有啲人成日話份糧包咗，調返轉話頂唔順既人唔捱得、唔識諗
有時會覺得呢啲人好幸福，一生人冇乜機會面對呢啲職場痴線野
有啲仆街要搞你，就算你點守本份都要硬食好多唔應該承受既精神壓迫

好多人未遇到呢啲野之前就講到自己入到去乜都得，入到去食正呢啲痴線野就乜撚都唔得
年中見唔少

利申：私人工

好似越來越多咁
特別係政府文化？

應該同體系有關

私人企業連高層都有機會做幾年就走

政府/公營機構/學校呢啲通常做過世
容易有老屎忽文化

我反而覺得私人工勁好多

因為政府仲行緊舊制度 probation私人工3個月 政府3年 你首先已經要捱3年唔行差踏錯 到你過左 做左幾年 想quit想移民 又唔想蝕mpf姐係要做到10年 人生working year有幾多個10年 入得政府都25-30 捱到40歲 唔上唔落 就俾制度困死左

正常人有問題會辭職
唔正常個班就會死鬥，搞走對方

食阿公個班特別多

私人工都有，我都經歷過
但做得唔開心可以隨時走

做政府既話可能都要爭扎一段好長既時間

事實係

尤其教書，份糧同個穩定性代價係個職場同上司幾toxic都走唔到，一做十幾廿年，人生見證過嘅自殺入面，有兩單都係教書/離職教師

份工所有野都好solid，冇野好做咪玩下自己友，搞下人事問題囉
你跟份係要講效率，要跑生意跟project 邊得閒搞咁多野

都睇環境
個巿難搵工的話，一樣可以睇死你走唔到

其實幾現實。我聽過個case係個pro grade想升多級 之後就叫啲靚一齊跑 咁佢就對啲靚好好 又慰問餅又手信又手把手教你做 自己仲日日ot到9點星期六日照番 但當佢升左之後就。。。

應該冇公家嗰啲咁難捨難離

出嚟搵唔返咁穩定既工

無野做咪恰9人

醫院工都係好toxic

私人工都勁多
不過年紀大已經屌佢都費事

升左之後佢就係考慮另一個level 既野，佢好唔好人識唔識做呢個就係佢人品問題
呢類情況其實都係等佢升左之後再拉下面D人上去

真
度度都有閪人，避得幾多次

分別在於私人工可以避/走

公家啲老屎忽睇死你唔敢走
點玩都得
就算走都係你蝕，唔係佢蝕

喺政府同公營機構絕大部份長工職位只要你唔求升職滿足於個職級max嘅人工，咁基本上你只要你肯帶個殼返工就算工作表現係點都唔會炒你。

呢個文化孕育出一代又一代唔做嘢等退休嘅老屎忽大軍出嚟，咁嘅工作環境正常人入到去都好易俾人激到變白卡，仲有堆識玩扮傷扮傻拎白卡呃飯食嘅老屎忽，所以點解政府同公營機構內部有咁撚多白卡存在

咁嘅工作環境正常人入到去都好易俾人激到變白卡

更多既係俾人同化，自己變埋呃飯食嘅老屎忽

政府好多職系喺自動跳point機制下造就一大堆遠遠脫離市價嘅高薪低能老屎忽出嚟，呢班人根本離開政府出到去根本無可能生存到，有乜可能做到無心做而自動舉手走人啊

依家就係咁非跳point公營機構 想轉返出私人市場 但適逢今年個市唔好

其實有白卡係office都幾過癮，可以睇到白卡搞腦細/腦細驚白卡嘅樣

同意
私人先多

其實係咪因為工作量多少
係咪同人事問題成正比
我發覺以前工作量比較多嗰陣
冇咁多人事問題
而家轉咗環境做嘢工作量細咗
反而就多咗啲人事問題