老實講，而家小朋友係咪唔鬧得？

我見個個批評老師，家長鬧小朋友，影響小朋友成長，大個就跳樓。。

我反而覺得細個唔鬧，大個一有少少唔開心或被老師老細鬧，抗壓差仲易有病wo

發泄情緒同檢討錯誤係兩樣野
大部份人一教起上嚟炆就會出口侮辱
主要係引導小朋友錯誤唔係死罪先有得教

愛的教育 唔打得 唔鬧得

班細佬manipulate返你轉頭

講到咁有心得咁進步咁現代化
但事實結果出來就係一代比一代越來越廢渣
係咪要檢討下

細個比呀媽罵同打
搞到關係好差
之後就算佢想點修補 我見到佢就會燥
搞唔撚掂
差唔多廿年無同佢講野 衰過陌生人
如果你唔想同仔女 有同我一樣既經歷
真係唔建議打

由細鬧到大叫訓練抗壓性？
呢啲只係磨滅緊佢自尊

小朋友做得唔岩係要話 唔係鬧
話完仲要解釋比佢聽點解唔可以咁樣做 呢啲先係教
如果佢做啲行為係會傷害到自己 傷害到人先要鬧

小小事就由細鬧到大就會自尊低 好易有情緒病
而家咁多小朋友三句唔埋兩句就頂唔順跳樓
就係因為啲老豆老母唔識教 剩係識鬧同埋係咁push佢地去做到你既期望
換轉係你 老闆日日小小事都係到鬧鬧鬧 你都有情緒病啦
老闆鬧可以轉工呀 老豆老母鬧點轉 咪跳樓重刷囉

己所不育

又唔係得一個方法

你調轉左
就係因為以家香港家長文明好多
十幾年前雞毛掃 間尺 打到仆街
第2日喊完起身又係新1日咩事都無
以家就係細個鬧得太少無打過
由細到大都未遇過逆境困難
係學校／1出社會撞板就企左係度
(當然 要識拿揑打同鬧個教學分寸啦

唔係廢，而係以前嗰代人唔識處理情緒，好多時都會變病/ 心理唔健康
只不過佢地唔認甚至乎自己都唔知

00後就係唔打得唔鬧得train出黎既
你自己覺得00後係點?

你係連登問依條問題大部份連登仔好撚憎自己父母

但無可否認以前啲人係堅強好多
唔會咁容易依家咁有咩唔順小小事都咁介懷
情緒病你又覺得係依家啲人嚴重啲定以前啲人嚴重啲?

一句窮人生仔正仆街就收你皮啦

一個鬧字範圍太大
要睇下你講啲乜、用咩語氣同態度
仲有喺咩場合
就咁一句「唔鬧得」會唔會兒戲左啲？

華人式教育就係咁 打罵式教育 呢樣野永遠改變唔到 賤種基因刻在骨子裡

怪獸家長只會一直進化 愈黎愈多

以前因為社交媒體未發達，又小咗中間10幾年QE經濟黃金期，個差距感相對冇現代咁大，平時冇長期自尊削弱就好小小。 而家細路咩都知啦，10幾歲都識曬自己去貴旅行贏過99.9%咩咩，自細又要挨又要睇人爽，唔癲都難，除非有家底

唯一認同係文明過以前 唔會打
我而家都成日見啲後生老豆老母係街篤住小朋友個頭黎鬧
但講埋啲說話係好侮辱 就算唔鬧唔打都係比電子奶嘴由佢自己玩
啲家長壓力大 就將自己啲情緒發落小朋友度
有時候根本個小朋友冇做錯野 只係家長情緒黎到都鬧個仔
再加上比得太大壓力比小朋友 由細已經不停追趕
以前幼稚園真係返去玩架咋嘛 點會有乜鳩面試班 聽人講幼稚園都有補習班我真係呆撚左

要訓練佢識得自己解決逆境困難 應該係要關心佢留意佢
要自己思考有困難係咪自己可以解決到 解決唔到要點樣做 教佢點樣自己可以解決 可以渡過難關
但你做呢啲野既首要條件係 你建立到同小朋友既信任先
永遠有問題就鬧/打 你既小朋友只會發生咩事都收埋唔講
因為講左只會比你鬧 而唔係同佢一齊解決

我自己都係老豆老母打到大 鬧到大
有時候講啲野仲好難聽 所以我同佢地關係一啲都唔好
因為呢個原因我係好獨立呀 但係呢啲獨立係因為我想離開呢個屋企 而唔係比佢地訓練返黎
所謂有個啲逆境思維係因為我唔想同佢地溝通 所以自己諗方法解決
你要用打同鬧教小朋友冇問題 但你最後既後果可能就係佢地係為左要離開你而成長到咁獨立
只可以講以前到而家啲人都係唔識教小朋友

鬼咪一樣有打鬧 你有湊過小朋友未？你同佢講道理佢聽得明？佢今次扭計你讓佢 下次當佢得唔到想既目的 扭得仲勁 適當既鬧係必需 體罰就盡量唔建議

有條件咁屌柒同打柒佢

當佢表現得似畜生時，你就用教畜生嘅方法
當佢表現得似個人時，你就用教人類嘅方法

只要你個仔冇智能缺陷，佢好快就會學識講道理比較著數

條件反射就係最基本嘅教育方式

當然，你平時無時無刻都要表現成一個有禮、講道理、講邏輯、公正而富有同理心嘅成年人
面對唔理解嘅野要嘗試理解，做到一件事之後都唔好忘記做唔到時嘅感受同思緒

簡單講，你平時就要做個正直而聰明嘅好人。而依件事難過你教仔多多聲
不過只要你做到的話，就算窮你都可以教到你個細路好好

依家嘅年輕人一出世就喺巨大差距入面，如果套新手裝太差真係會諗重刷，唔可以話佢哋唔識諗

你所能夠refer到嘅上一代就得兩代：silence generation同gen X，呢兩代戰後復興賺盡時代紅利。如果你對比二戰前美國大蕭條時期，或者日本泡沫爆破後果一代，一樣係咁不成材同糜爛，一條友係咁你可以怪佢，成個時代嘅面貌係咁就要諗諗背後原因

咁易嬲 出社會一樣會乜都嬲乜都唔妥
咁不如早啲等佢知道個世界係點仲好