保險問題 理性討論 佛系你問我答(9) 保險常識=/=普通常識

理財係需要靠自己既
我一出圖或者公司名就好容易比有心人report
如果大家仲想見到我答下問題呢，就煩請自己用方法去領悟我講嘅野，理解下我係講緊邊間公司同邊個計劃，同埋點樣上網尋找多啦A夢，有緣份自然會搵到

如果我再俾人ban就真係再幫唔到大家，所以大家如果真係想見到我答下問題嘅就真係唔好叫我留聯絡方法或者好強求要我講清楚係邊間公司，你自己講完我再答你係定唔係會比較好。

要怪就怪呢個行業可能真係形象太差太容易report，再唔係就其他行家唔鍾意我講咁多，所以請各位原諒我點解冇上個post咁圖文並茂咁詳細解答，我只可以用文字加少少抽象去講，唔可以好似上次咁喂埋大家食

我自己好珍惜呢個戶口，承載住我七年呢個行業嘅成長，希望大家可以體諒我，如果支持我嘅可以俾個like我呢個post，你哋嘅支持我會睇到嘅

如果我再比ban就可能證明呢到容不下我呢個聲音，咁就大家到時自己搵方法去得返個答案，我都深信有心搵答案去學習嘅，自自然然都學得識，保險唔係難既野係睇有冇放心機上去，對大家有信心嘅。

另外亦都開放個問醫療問題為主嘅google sheet
基本上奇難雜症 面對claim錢情況唔識用
唔想好公開咁講嘅可以留言
Btw 凌晨要搵醫院呢 要隨緣加有運先得
如果用過嘅可以留言講返 基本上我都係叫人邊度平自己出去搵嗰間野

https://docs.google.com/forms/d/15lRdUuk9efMTrRxflJhl8nak6JeDP8bPrHOURWfRJOM/edit

上一個post要睇專科嘅巴打

真係冇辦法 因為你呢個病其實係屬於門診保險長期複診嘅類別嚟嘅，哪怕中間係屬於專科都好專科都係門診嘅一部份。

因為醫療保險其實全寫應該係屬於住院保險，要符合住院/手術相關嘅先可以，只不過係而家係可以涵蓋到入院前同埋出院後嘅複診同睇醫生，變咗就好似由頭去到尾都可以包到咁樣，但若果你個病根本就係冇牽涉到任何手術/住院嘅治療方案，其實就真係唔太關呢方面事的

至於癌症部份，又或者係點解腎病部份係可以唔係做手術都可以索償到呢，係因為而家嘅醫療保險係有涵蓋非手術的癌症治療方案/同埋日間嘅腎臟透析，咪變咗好似包含到落去咁樣。

又有新post

至於第二位巴打

問醫療保險嗰個嘅

你自己嗰份其實食到50,000都OK嘅，只不過小病的話自己貼嘅部份就唔太多的，大病的話剩低嘅部份都係可以用自付費嗰邊去cover到的

你smm食到八成咁計，有17萬的話，又唔算太差嘅，爭在係小型手術幾千蚊就少咗啲，變咗通常會喺呢啲位需要自己貼啲，但係佢幫你食咗八成變咗又唔需要太多

另外一個post睇到我嘔血 我覆多咗一兩個就費事理了

冇錯,果班人都唔係為咗討論
只係叫口號發洩
詳細解釋俾佢地知,佢地係唔會覆你

至於另外一位問而家賣緊廣告嗰隻可以供得斷嘅所謂純危疾plan嘅分別

其實呢隻所謂供得斷嘅純危疾佢成個設計根本就係同一隻單次嘅終身危疾係冇分別，最平嗰隻係綠色嘅單次終身危疾，個價錢係幾乎一樣咁，但係呢隻退保係冇得拎返錢，另外一隻係可以拎得返錢，咁你覺得有咩人會買新嘅呢隻

真係想買純危疾咁買定期就算啦，佢成個設計係睇唔明做乜，價錢又唔係特別平，得個名叫吸引眼球

入嚟我呢個post 又或者係煲呔嗰邊個post

起碼大家真係會Google吓又或者會Fact check係咪真係咁，完全係舊一輩嗰種所有野淨係聽上半句唔聽下半句嗰啲，淨係會拎啱自己用嘅

同拎古人說話斷章取義一樣，女子無才便是德，唔係講緊女人冇才能先係德行，係講女人雖然很有才能但唔會恃才傲物，呢個就係非常高尚嘅德行

話說你而家答問題都答得幾好喎

又唔可以怪隔離post懷疑你係行家 唔係一早識你我都會咁諗

我覺得呢個都係一個讚美嚟嘅 叻過唔少人

想了解一下純危疾

我見網上有多重保同單次保

建唔建議買多重保嘅危疾定買單次調高少少個保額就算

Thanks

另外有關自願醫保

我本身有公司保，想買墊底費

1516緊aia尊耀同fwd嘅尊衛您

邊一隻比較prefer d?

即係我bowtie pink 揀5萬自付額係最適合？
同bowtie比較會唔會其他保險公司會有更好選擇？
感謝巴打解答

哈，都係得閒幫手解答下啲基本問題
深啲就唔識了，都係靠你

係

得呢個位係食到

後生就最理想係多重入埸 老咗想加額再加定期就得

後者 平好多同包既野多d

Virtual 就佢
傳統公司就李澤楷同加拿大太陽會吸引d

我見除左bowtie同忠意（印象中）
其他一係保一次，一係有儲蓄成份
樓主prefer bowtie或者有無其他純危疾建議
Thanks

想幫小朋友買保險
諗住買bowtie pink 但點買最好呢?

想問吓綠色公司啲醫保評價如果
有份有墊底嘅供左兩年
核保有驗曬身

來緊應該買份加拿大太陽嘅靈活做墊底
但諗緊轉唔轉份綠色公司嘅高端醫療走

樓主點睇大陸醫保
隻靈活醫保供25年就供完
仲要包埋已有疾病
屌打曬香港所有醫保

lm 跟機