山陰山陽行程 求指教

都仲有時間
樓主可以計下點樣先最順
如果想博多走既可能真係大阪入, 神戶- 岡山 - 鳥取 - 松江 - 出雲- 廣島 - 博多

好似都係你咁樣再好啲

冬天去稻佐濱凍撚死穴道會好d 有個coffee shop 坐

我睇toyota rent a car 佢有松江站舖位
最夜可以8點

如果我前一晚已經喺松江 應該趕得切？

稻佐之濱可能會一早去 睇下下晝去完足立美術館仲有冇時間去穴道湖（如果整返好）

但咁樣就要洗多筆新幹線錢
要計下數先

不過都係個好提議
多謝兩位巴打

最主要係考慮大阪多機易就到埗時間上JR 特急車
當然去神戶/姬路先既可以唔駛咁趕

JR pass 有包
睇你想邊程開始渣車

但個Pass 得7日
Cover 唔哂頭尾
我應該得松江嗰一兩日會揸車
鳥取有觀光的士 山陽好似靠新幹線都夠玩

你day4個行程,
你要松江拎車再出發既話,我唔建議你排咁多景點,因為變相你無乜時間真係睇野,變左趕checkpoint,如果你想去足立美術館既,基本上半日都走唔甩,因為多數人都會排埋入面果間餐廳食野打卡(果間野非常適合打卡),但出雲同松江地區既景點建議你二揀一

還是博多入過一晚夜先
因為比我諗嘅話可能會變左kix redeye>坐船去神戶一日遊 岡山過夜咁就要用jr pass
博多入 day2廣島 再上出雲松江鳥取岡山 day8晚出返大阪市中心又得唔得

起碼都1個鐘多d啦如果認真睇

四國自己都有張jr pass啦 四國下次去仲好

宮島起碼都預大半日

鳥取觀光的士3個鐘入面任去
其實都幾趕下
如果你渣車有信心可以鳥取開始渣然後出雲還
你計返JR PASS 其實依家唔算真係好平
要計到好盡全部坐曬特急先至用得盡
大阪去到岡山中間停神戶既話其實普通JR COVER到
唔搭特急都OK
反而係岡山去鳥取 / 廣島去博多 依兩程會貴D
https://www.westjr.co.jp/global/tc/ticket/pass/sanyo_sanin/
去計一計如果用由岡山出發果程開始連唔連到去廣島返博多果程同埋用唔用JR PASS 平D

上次柒到賴屎放咗個喼喺博多locker
好似比咗錢攞走鎖匙冇鎖返就咁走咗
開心喺北九州玩咗個日頭 返去博多站諗住攞行李
仆街無咗
之後心急捉咗個唔關事嘅職員問佢點算
佢同職員聯絡咗話有人好心見到我個gip攞咗去辦事處
但果陣失物辦事處已經過咗office hour
明明喺個售票處入邊都要閂
冇理由面懵懵走去阻住人架嘛
但我個日就係住廣島酒店
結果第二朝先返去博多攞返個喼再即刻返廣島
好彩有買jr pass唔係真係蝕死

ching 你咁癲
不過依家有hands free 下次可以係上間酒店直寄去下兩站
唔駛成日搵locker

我自己個人就算用唔足jr pass 都會鐘意用係因為有pass 網上book 飛方便d

得啲衫褲喺入邊唔值錢但唔見就麻煩
但我係博多去廣島得咩
我見有啲可以全國配送 但即日得唔得架

正

我下月去 照抄先

但圓頂日頭睇正好多 但又要睇完成個館先睇圓頂最深感受

搭巴士其實唔難，JR站去咗美術館先，之後再坐吊椅落去沙丘，玩到想走再搭巴士

Day 5的士限3個鐘頭，白兔神社同浦富海岸，一個東，一個西，你最後想去埋鳥取沙丘，咁唔夠時間行吓㗎，我2019嗰時去搭呢架的士只係揀咗去白兔神社，我無去行白兔海岸，之後去浦富海岸，當時係11月尾，真心浦富海岸無咩咁特別，因為只係去兩個地方所以有少少時間剩，最後司機車咗我去賀露魚市場，睇嗰隻好大嘅松葉蟹，（其實我之前一日已經去過嗰度食嘢兼睇過嗰隻松葉蟹），沙丘我係另一日去嘅，喺沙丘我留咗幾個鐘呀，行上沙丘慢慢咁行去海邊都差唔多20分鐘，未計你行返出嚟加走之前除鞋清埋返啲沙，如果你只係想喺門口影張相打個卡嘅唔打算行嘅咁無所謂。

Day 4出雲同松江係二㨂一好喇，日御碕燈塔記住一定要上去睇吓，好天氣嘅個影色好靚嘅，宍道湖睇日落嗰個真係凍到hi hi，當時唔夠10度又大風，反而稻佐之濱無乜風。