理文周一(14日)上午假將軍澳足球訓練中心(FTC)進行開操及拜神儀式,其中新季加盟理文的應屆「香港足球先生」巴科爾(Noah)明言要超越自己上季的表現,為「黃黑軍團」贏得更多錦標。
理文周一(14日)上午進行約1個半小時的操練,今夏新簽入的9位球員,包括應屆足球先生巴科爾、中場米基爾、防中基高里、 左翼哥達、 中堅韋利安、 中場巴拉克、右翼潘沛軒、後衛曾以行,及前鋒劉宇浩齊齊亮相。其中32歲的西班牙「港超神射手」巴科爾(Noah),上季為東方於各項賽事合共射入35球,打破個人職業生涯入球新高,Noah期望今季不單止保持一貫水準,更會以超越自己上季的表現為目標:「每個人都知理文係香港最強球隊之一,所以我好開心可以加入呢個大家庭。我每季都好努力咁維持狀態,我知自己上季表現好好,要超越上季表現會有難度,但我希望唔止係踢得番上季嘅水準,我目標係要比起上季踢得更好。」
上季理文與聯賽冠軍失之交臂,為東方取得兩冠的Noah表示並不會因此感到有負擔,會盡力爭取每個錦標:「我唔會因為爭冠而有心理壓力,或者自己要向外界證明任何嘢,比起錦標,我更重視球隊整體表現同狀態,呢樣先係最緊要。我只需要做我最擅長嘅嘢,就係幫助球隊贏波,盡我所能爭取每一個冠軍。」
23-24球季獲選為「香港足球明星選舉」最佳11人的中場米基爾(Mika),對於相隔一季再戰港超感到熟悉又期待,希望助理文於新季取得好成績:「我返到嚟第一件事就覺得,哇,我又返到嚟啦!我以前喺呢度有好多回憶,我個女都係喺香港出生,屋企人都好鐘意呢度,成個環境真係好熟悉。依家球隊係練真草,比起以前喺石門基地嘅仿草更適合球員練波,教練當時打畀我,話今季班底好有實力,所以我都好期待同班新隊友一齊比賽,希望呢個新組合會有好成績。」
原文網址:港超聯 強勢加盟理文 巴科爾:要超越上季表現 |
on.cc東網 | 體波
https://hk.on.cc/hk/bkn/cnt/sport/20250714/mobile/bkn-20250714121618672-0714_00882_001.html