一人一個曼德拉效應經歷

1. 記得以前坐架經過九龍城去黃大仙嘅巴士路過一個地方（唔記得邊度）見到一座建築物有兩部lift喺外面，細個同老母貪得意去搭下，搭到其中一層會上咗酒樓，但而家上Google map睇得景搵唔到嗰棟建築物

2. 以前麥當勞個「當」字係口字邊（噹）

3. 細個第一次搭巴士去荃灣嗰陣去喺富華街落車，上天橋行錯商場，不斷商場過商場都去唔到目的地，行行下又發現個個商場門口啲聖誕老人貼紙笑得好撚詭異，最後落返地面去青山公路先冇事。然後喺Google map睇返，青公沿綫根本冇咁多個場

4. 唔知算唔算曼德拉效應，不過都講下
細個屋企住彩虹邨，屋企望到兩間相連嘅聖公會小學，有次望望下街景見到學校外牆出現咗部子彈lift，一眨眼已經就唔見咗，好肯定唔係眼花睇錯，因為見到部lift入面迫滿人，仲見到鋼纜同平行陀（細個根本唔識呢啲裝置），當時叫埋老母落樓想睇清楚啲，但最後乜都見唔到

比卡超條尾有黑色

Luke, I am your father.
No, I am your father.

細個撘地鐵，奧運站個英文名好似係Owen， 但係就淨係見過一次。

講到地鐵，我都有奇怪記憶
我一直記得東西鐵兩條綫都會經過紅磡，但東鐵過咗紅磡之後仲有個站。
之後有次坐東鐵嗰陣見到塊班次display寫住班車去紅磡，望一望月台張路綫圖又真係淨係去到紅磡。
跟住我返屋企上網睇下舊路綫圖，原來東鐵以前去到尖東，西鐵淨係到南昌，但我肯定記得以前兩條綫都去紅磡，但東鐵多一個站