尖沙咀按摩店擺烏龍 男客趁機冒認失主領走40萬元LV名錶 歸還時被捕

23:00 2025-07-12

尖沙咀早前有人光顧按摩店時，遺下一隻聲稱價值40萬元、全世界獨一無二的LV鑲鑽名錶。職員打掃時發現，卻報錯房間號碼，老闆娘誤信通知3號房一名20多歲男顧客。豈料該名顧客竟將錯就錯，冒認物主取走名錶。真錶主兩日後發現上門詢問，店方察覺出錯聯絡冒領者。雖然該名顧客帶同手錶歸還，惟警員經調查後仍以涉嫌盜竊將其拘捕。

現場消息指，年約50歲的男錶主兩日前（7月10日），在尖沙咀加連威老道27號一間按摩店的8號包廂內按摩，離開時忘記帶走手錶。職員打掃包廂期間發現手錶，遂將之交給老闆娘，然而職員卻講錯是在3號包廂發現手錶。隨後，老闆娘拍下手錶照片，通知3號包廂的20多歲男客人回來取錶。3號客人懷疑一時貪心，自稱是錶主，昨日（7月11日）到店舖拿走手錶。

至今日（7月12日），錶主發覺手錶不知所終，便返回按摩店詢問，並於晚上8時許報警求助。與此同時，按摩店發覺出錯後，隨即通知3號客人，對方亦帶錶到店舖歸還，又辯解是按摩店老闆娘「夾硬畀佢」。警方翻查閉路電視，及按摩店對話紀錄後，便將3號客人拘捕，黑布蒙頭帶走。

據老闆娘提供照片所示，失錶錶面鑲有寶石，印有「Louis Vuitton」字眼。錶主表示，自己從事鐘錶生意，這隻手錶自己過去從他人手中，花費40多萬元收購得來，不知原主人是誰。錶主更相信，這隻手錶是在日本定制，全世界只有他獨有，目前炒價已超過200萬元。對於失而復得，錶主感謝警方協助。

on9仔想搏懵

炒價係咪真係有200萬 好跨wo

得一隻，放到都捉硬

歸還都拉?
按摩店擺烏龍就冇罪?

LV呢啲柒錶送都唔撚要條友仲用幾十萬買咗舊垃圾

鬼叫佢貪心
個天係明跣佢㗎啦

擔隻淘寶定制lv錶搞到要坐

釣到魚

被捕人衣着好gay ，男男邪骨店？

佢認係物主嗰下已經入硬

kam撚

公價四十萬
二手賣唔賣到十皮野

淨係依靠新聞內容去斷定?
我唔知按摩店顧客如何認領私人物品
而顧客又歸還失物, 可以用咩罪名charge?

lv出好多錶都係得一隻（出好多隻差唔多，但係有少少唔同），以前有個有錢女fd,佢戴隻錶就係訂制，訂完唔鍾意皮帶，叫人換條膠帶，又洗多5位數，我睇落去好撚cheap完全無特別，就係一隻普通錶+lv花紋，但要六位數

係官網已經定價40萬，已經絕左版，二手起碼貴一倍

警方翻查閉路電視，及按摩店對話紀錄後

還左就唔係偷?
你屋企係邊? 我唔問你 就去拎哂你d 錶呀袋呀錢呀用下先
你發現左 我再還比你
你唔發現 我唔還架wor, ok?

返去做暑期作業啦 上咁耐網 陣間媽媽罵呀

差佬拉人方式仲搞笑
黑布笠頭好似拉殺人犯咁
個錶都已經歸還, 其實仲洗唔洗咁?

搵律師打下囉
假設佢真係唔見咗隻黃色錶
一下子誤會攞咗
後嚟發現錯誤主動歸還
可能打得甩呢

條錶帶好殘

笠唔笠邊個決定？

如果爆出隻錶係『朱義盛』就好笑囉!