升中派位所見有感

話說一年容易又升中派位
諗起以前睇過篇網媒新聞
有家長話因為唔想個仔讀得辛苦
就話明明佢成績夠入Band1都要幫佢揀間Band3拳館中文中學
雖然唔知係咪啲死要面家長唔想認自己個仔成績差
但當時聽到心諗如果件事係真嘅個仔真係多撚謝你
成績夠好但唔想佢辛苦點解唔揀Band1C或者2A?
點解要揀間升大學率唔夠10%嘅Band3學校？
有冇諗過呢啲學校嘅學習風氣幾差？
個仔仲話想讀Law
但個老母講到佢個仔廢到要去炸薯條
我真心想知乜撚嘢老母嚟
如果呢個細路仔真係成績好但因為老母而去讀Band3學校
咁佢簡直係抹煞咗個細路嘅努力
身為一個freelance興趣班導師真係好不屑呢啲家長咁樣睇低自己個仔
生仔真係要考牌
就係呢啲咁嘅家長一句：Band1咁辛苦你唔會讀得掂
搞到啲細路態度好消極
遇到少少辛苦就話要佢放棄
想講教細路真係唔係咁教
係要鼓勵佢嘗試吓諗辦法解決問題紓緩壓力
有困難嘅時候要陪佢一齊面對
所以話而家教興趣班仲要幫埋人哋教仔
感恩我老竇老母當年俾我去讀Band1C英中
起碼覺得間學校啲老師幾好
當年我考得差但都好鼓勵我試下用唔同方法去讀書

好多人英文差, 要佢用英文讀根本害左佢
寧願揀間能力應付到嘅中中令佢起碼聽得明
好過戇鳩鳩坐係度完全冇曬學習動機/興趣

其實揀中文中學都唔係問題
既然話個細路成績唔差咁就揀升學率高啲嘅Band2中文中學都好過
身邊有人喺Band3學校返過工
聽佢形容個學習風氣真係好差
真係唔知佢老母為咗博咩光環

我調返轉好彩讀band3
讀band1 中三一定揀唔到科
Dse個分食唔中weighting入唔到三大

Ching喺以前嗰間中學成績一定好好
因為我中學有中同兄弟姊妹讀Band3但成績keep住全級頭10都上唔返大學
跟住入asso都跟唔上就退咗學
另外身邊有其他以前讀Band3嘅朋友都好討厭間學校嘅學習風氣
佢哋仲話有得揀一定唔會揀呢啲學校
又打交又長期有警車守住

當初有band1冇入
入咗間近屋企嘅band3頭
上堂就吹水同玩
高中放學放假會自學
初中完全冇讀書就廢到仆街
點知我啲同學仲廢過我
高中揀到想揀嘅科
然後集中所有時間讀一科攞咗*
時間有剩就讀多兩科有興趣嘅攞埋5
其他就合格算
就係嗰幾科中晒weighting入到大學
當初入band1揀唔啱科一定含撚
比我揀多次都一定揀返band3，輕鬆冇壓力
如果個人本身廢要人管都係去返band1啦
結論：都係睇人

以前做過補習，成積麻麻，勉強個學生用英文學歷史同地理真係好痛苦的。對某一些學生，讀中中係有助吸收知識的