前TVB藝員羅浩楷 坦認患柏金遜症 靠輪椅代步

前TVB藝員羅浩楷 坦認患柏金遜症 靠輪椅代步
病情影響外貌 久未拍照 對人生心灰意冷
「我依家分分鐘有病唔醫㗎嘞！仲有咩意思啫，坐喺度係冇意思。」

花百萬治療頸椎
慶幸頭腦仍清醒
炒股賺生活費

「我身體係唔好，情況都...一般向下走囉。」現年75歲的前TVB藝員 #羅浩楷（楷哥），接受傳媒訪問時，難掩沉重。
他曾是無綫長壽節目《 #歡樂今宵》的台柱之一，以演趣劇和模仿才能見稱，模仿粵語片影星呂奇和歌手林子祥維妙維肖，惟近年因健康問題淡出幕前。

日前有網民在Facebook群組「90年代回憶（新版）」提及他的近況，稱「羅浩楷，搞笑能手，做戲入木三分，但入行以來，好似未做過主角，最近聽聞他的身體不太好，希望他身體健康」，引起網民熱議。羅浩楷近日接受傳媒訪問，自揭十多年前已確診患上 #柏金遜症，近年健康每況愈下，需靠輪椅代步，坦言對人生感到心灰意冷：「我唔知幾想死！」

【六部輪椅「飛車」自娛】
羅浩楷坦言，自己的健康狀況自確診柏金遜症後持續下降，近一兩年尤為嚴重，手腳活動能力大不如前。他說：「郁動位置強差人意，即係手腳活動能力。」現時他已無法自行走路，需依賴輪椅代步，日常生活由太太及外傭照顧。為方便生活，他笑言買了六部輪椅：「試吓唔啱坐咪買過第二部囉，邊個朋友啱送畀佢。」

雖然行動不便，但羅浩楷仍嘗試保持樂觀心態，透露最愛到住所樓下平台「飛車」，自嘲為「飛車黨」：「睇好似幾好。可以咁講，有人同我食飯，我都唔知落唔落到嚟，唔想行呀，既然唔想唔好逼自己。」他坦言因外貌受疾病影響，已久未拍照，但仍嘗試自得其樂，最近更開始學習彈結他及錄音唱歌，以消磨時間。

【大動脈閉塞險喪命】
羅浩楷的健康問題由來已久。早在2004年拍攝《皆大歡喜》時，他因大動脈閉塞致心絞痛，幸及時救治保命。2016年，他因椎間盤突出導致駝背，需戴頸箍及坐輪椅，後來接受長時間治療及另類療法，耗資近百萬港幣，頸椎問題才得以紓緩，暫時脫離輪椅。然而，近年柏金遜症加劇，行動能力再度下降，同時他亦患上眼疾，雙眼對焦困難及出現重影，健康狀況令他無奈於2017年正式離開TVB，告別幕前演出。

【炒股曾輸掉一層樓】
談及未來，羅浩楷十分悲觀，直言：「我依家分分鐘有病唔醫㗎嘞！仲有咩意思啫，坐喺度係冇意思。」值得慶幸的是，早年累積的投資智慧成為其重要依靠。經歷過沙士時期「輸掉一層樓」的慘痛教訓，他靠自學鑽研股票投資，成功翻身。如今，股市的收益，加上妻子的守望，成為他應付龐大醫療開支的重要支柱，日常開支不成問題。

喜樂的心是良藥，惟願在家人的支持下，羅浩楷會看到一點光。讓他在困境中，不會完全被憂傷吞噬。

盜墓者？

重點 炒股

有聲

柏金遜冇弱智算好

楚國 李～圓

咁後生都中柏金遜 之前睇bomba成日見到佢

佢做戲都幾好睇

羅浩銘

皆大歡喜吳修

東涌羅浩楷

佢副業教電子琴

唔使教effect都有震音