八両菜（前中）近日向傳媒大爆料，狂數八両金多宗罪。（網上圖片）
八両菜狂數八両金多宗罪，她說八両金要她去做地產搵錢，唔畀家用不特止，更問女方攞錢，次次都一萬幾千，「若搵少咗錢，佢就左一巴、右一巴，拳打腳踢，剉我心口，一個星期幾次家暴。」她稱當年被打到面有瘀傷，亦曾報警求助，地產舖同事能做證。第二宗罪是控訴八両金出軌，八両菜指多年前男方家中有個長期上鎖的櫃子，竟收藏著與不同女友的照片和影片，這才是她離家出走的主因。
問到既然八両金對她不好，為何二人仍會破冰復合，八両菜稱因為自己身體有事、體重暴脹至200磅，只得向前夫求助，男方雖不肯負擔洗費及買樓給她住，但就提出復合，八両菜稱對方原來因為患癌想有人照顧所以求復合，想有人幫屋企「扶貧」，又爆男方是借錢唔還、使女人錢的慣犯。
八両菜拒透露他患了什麼癌，表示自己是2023年得知前夫患癌，現推測已去到晚期，「我諗佢得返幾個月，個幾月前，我睇到佢嘅新聞，佢水腫，塊面腫緊。」她又決絕地表示這是八両金的報應，自己終於不會再「被鬼纏」，所以她不會喊，甚至想慶祝。
八両菜又指與父親相依為命的「八両仔」懶到出汁，30歲都不長進、不工作，連陪八両金睇醫生都不肯；她曾叫八両金給自己幾十萬搞小食生意，分股份畀八両仔讓他有錢用，不過隨即被八両金封鎖，果然講錢傷感情。
傳媒就八両菜的指控聯絡八両金，他否認有癌症，大罵前妻唔正常亂咒人：「神經，成日周圍亂咁噏話我得返兩、三個月命，咒我死！你聽吓我把聲，老虎都打死幾隻，你睇吓我三個月後係咪尚在人間，到時你嚟廣州搵我，我請你食飯！」他澄清目前單身，並反指前妻犯口孽會有報應。
咁既款都做到幕前
