Tommy 阮民安 再吹大d 笑L死

[超長文，慢慢睇］

大家好，好耐無見，想問吓香港班差佬通輯咗我未？

首先我想講，我唔係唔記得上庭，係我從來無諗過要上庭😅

呢刻我人亦已經離開咗香港。

我梗係知呢單野罰下錢乜事都無啦，但係個香港已經癲倒是非黑白到咁，你覺得我仲需要跟佢哋個規矩行？

我行得呢步，就預咗唔使同佢哋客氣！

如果您哋都俾個港共正苦逼到透唔到氣，好多野想宣洩，歡迎加入我呢個「壞人」大家庭，一齊玩大佢，玩盡佢！

呢度今日開始，新一章，新規矩。

仲信港共差佬覺得佢哋唔係乜嘢都做得出嘅，可以走先，呢個Po唔係俾你哋睇的。

覺得我真係會去偷140蚊野嘅，一樣可以走先，你嘅智商適合去睇何君堯多啲～

好，入正題。

我二月返嚟 ，真係只係想處理食環單野同埋探阿爸。

有班叻仔成日問我做乜為咗食環返香港？
你地無性嘅梗係唔明啦！

單野影響緊嘅係一間鋪，我兩個同事，一個仲坐緊暴動手足細佬，呢班全部係嗰晚幫我做野同落咗口供嘅人。

我唔想班仆街搞到幫過我做野嘅人，所以我必須返嚟處理，呢啲叫「唔好搞到人」，明？

到咗2月底，班國安又開始搵我，佢哋喺酒店「等」我，又「約」我去海灣軒傾(有俾佢地約過嘅都應該知佢哋海灣軒有個傾偈竇)。

搵我重點：幫佢地宣傳同篤灰！

其實23年928之後已經成日搵我傾，嗰時我因為太多坐監PTSD，所以我答案一直模棱兩可，因為生怕佢哋又唔知用咩罪名屈我坐監，我再坐一日都驚再坐一日都唔想！

我認我廢😪
但我一直在保護一切。

不過今次，我好淸晰答佢哋：

「我唔會做！唔使再搵我！」

之後就係戲肉。

佢哋3月中開始搵便衣隔日就喺酒店樓下跟我，煩我屋企人，煩我接觸過嘅朋友，煩我朋友啲舖頭，

其實呢段時間我身體心靈都出咗好大狀況(咩事之後再同大家講)

最撚終極嗰招係將我用咗年幾唯一嘅虛擬銀行戶口喺24/4號凍結埋，我26/4即刻再申請另一間，到12/5又通知可能會凍結，然後11/6一開通張新卡，即時又凍結咗！

茅撚到咁，生存都唔俾，我仲玩條毛～

有一日，個便衣狗走埋嚟話：

「日日去百佳惠康買嘢，記得拎單呀，捉到你無單當你偷嘢，返差館再慢慢講！」

(所以嗰日我同大家講記！得！拎！單！因為班毅進真係會咁諗野架，提下大家啫😂）

「唔好斷正俾我呀，當街打柒你！」

(當時已被跟蹤3個月的我)：「係咪呀！我想睇呀！」

事發當日，我知道個便衣一定會喺樓下等我，所以我預早叫定個朋友喺樓下等我拍片，我想睇吓香港差佬係咪真係咁撚惡嘅！

我同隻便衣講：「我依家就入惠康直接拎野出嚟，記得拉我同打鳩我(可能係好負面嘅行為但佢哋真係逼到我頂唔撚順了)」

係，我真係就咁求其喺入面拎咗啲嘢，直接喺個便衣面前放入袋無過機就行咗出去。

點知便衣狗原來得把口，屌走咗我個拍片frd，然後4，5個人圍埋嚟，問我袋野有無單，屌鳩佢真係咁問😂

(真實對話)

我：「無呀，唔係要打我？」

之後叫我唔好郁對手，話搜身：「Tommy，我放兩粒野入去你都幾大鑊。」

佢哋搜到我身上面袋住過萬現金同一張朋友嘅信用卡，如獲至寶，一口就話我盜用人哋張卡，我即場拎晒證明俾佢哋睇我朋友放咗喺我度嘅，佢哋完全唔聽唔信唔理，話有咩返差館落口供再講…

最後我朋友凌晨1點去紅磡差館幫我澄清，張卡佢哋先搞我唔到，然後，就係大家見到嘅劇情…

今日要交代嘅係咁多先，之後呢度大把花生食。

大家嚟緊會喺世界各地見到我，即管同我打招呼吹水影相，來者不拒。

如果您/您哋有咩想搞想玩要幫手，隨時pm我，我在！

I’m BACK！！！

至於呢個「臭港」，日日唔係執笠就係國安，返唔返都擺啦！下話！

好，SomeWhere 見！

保重！多謝仍然支持相信我嘅每一個您💛

聽日再講，晚安！🤠

黑警做得出都唔出奇喎老老豆豆

條友去外國識得同人溝通？

呢個撚樣淨係識逃避

偷野都要走

明就明

唔信會走
會走成日喺土瓜灣見到佢

我同隻便衣講：「我依家就入惠康直接拎野出嚟，記得拉我同打鳩我(可能係好負面嘅行為但佢哋真係逼到我頂唔撚順了)」

係，我真係就咁求其喺入面拎咗啲嘢，直接喺個便衣面前放入袋無過機就行咗出去。

D劇情爛過TVB D劇

死賊仔2舊水都冇

傻仔tommy智商有無10

Tommy 老師好嘢

On9

叫佢個friend出條片我就信佢

//事發當日，我知道個便衣一定會喺樓下等我，所以我預早叫定個朋友喺樓下等我拍片，我想睇吓香港差佬係咪真係咁撚惡嘅！

我同隻便衣講：「我依家就入惠康直接拎野出嚟，記得拉我同打鳩我(可能係好負面嘅行為但佢哋真係逼到我頂唔撚順了)」

係，我真係就咁求其喺入面拎咗啲嘢，直接喺個便衣面前放入袋無過機就行咗出去。//



佢咁嘅劇情都作得出都已經唔係逃避咁簡單，直情係病態大話精嚟啦，如果国安睇到你咁緊就唔會俾你呢鑊棄保潛逃到啦

明就明💛

投注站見💛💛

創作力量同幻想會嚇你一跳 去睇精神科啦

SLDPK
咁都講得出果下好野
下次差佬話唔信你冧友咁你係咪要拎把老牛去殺人

睇tommy 老師啲嘢真係睇足咁多年都仍然會起雞皮

為咗百幾蚊走？

不過今次，我好淸晰答佢哋：

「我唔會做！唔使再搵我！」

🫶💛

記！得！拎！單！

幾時開始偷百幾蚊嘢都要作咁長嘅故仔