1. 間屋細過劏房，企多個人都嫌逼帶女返去？間房細到連轉身都難啊！張床同電視機距離得兩步，想扮下浪漫睇戲都要挨到實一實，仲要阿媽喺廚房度望住，尷過睇醫生割包皮啊！女仔一入門口，見到成地雜物同阿爸嘅孖煙囪，即時面色一變，仲唔係「下次約出街啦」？
2. 隔音差過監倉，夜晚靜過鬼公屋最恐怖嘅唔係窮，係隔音啊！夜晚想同女傾兩句偈，隔離阿婆即刻「咳咳」兩聲，樓上細路又開始跑馬拉松。想搞啲小動作？成棟樓都知你幾多秒完事啊！女仔未上到床已經想走，仲問你：「點解好似有人聽緊我哋講嘢咁㗎？」
3. 鄰居八卦過東張西望
樓下保安阿叔、隔離屋三姑六婆，個個都係情報專家！你帶女返去一次，第二日全邨都知你條女著咩顏色底褲。阿媽仲要晨早流流問你：「琴晚個女仔幾時走㗎？」屌！我仲敢有下次？
4.設施殘舊過恐龍
部lift成日壞，女仔著住高踭鞋要行廿層樓梯，未到門口已經黑面。沖涼個熱水爐時凍時熱，女仔沖到一半尖叫：「好凍呀！」你仲要尷尷尬尬咁叫阿媽較返個爐，自尊心碎過玻璃！
5. 自卑感爆棚
最慘係心理壓力啊！人地住私樓嘅，帶女返去可以好自豪咁 show off 個無敵海景；我？連個衣櫃都係阿爺年代嘅古董！女仔望住你間屋個眼神，已經話畀你知：「呢世都唔會再上嚟。」
結論：公屋仔嘅愛情，注定係悲劇所以點解公屋單身狗特別多？唔係我哋唔想拍拖，係現實逼我哋做毒男啊！巴打們，努力儲錢啦，唔係連女都唔敢帶返歸！除非佢真係愛你愛到可以無視成間屋嘅「公屋味」啦...（但呢個世界邊有咁多盲嘅女仔啊？）
