點解日本先做到咁多唔同類型嘅動漫？

其他國家都做唔到好似日本咁多唔同類型又紅嘅動漫

認真答
因為制作委員會呢個夾pool嘅制度可以令唔同嘅資方可以放到對各自有利嘅商業元素嘅同時又可以保持平衡同彈性

電視台
周邊（玩具）
音樂
原作出版社
聲優經理人公司
都喺委員會中有發言權同各自嘅妥協
所以唔會話某一個元素好就100%嗰期就做曬嗰個元素
雖然你見到佔咗大部份係異世界轉生
但都唔會全部都係

加上分散咗資金會令有潛能嘅作品更易接觸到其他party去成立個project

歐美唔係咁？

美國以單一公司主導
歐洲有時公共電視台加政府補貼，有啲香港啲電影資助計劃咁

不過唔知點解日本人啲美感好似好過歐美咁，日本啲動漫卡通都靚過歐美嗰啲

上面只係講動畫
事實上只要漫畫夠銷量就有動畫
好似地動說呢D冷門題材都可以動畫化
所以講到尾就係漫畫監管低創作自由
一D好痴線既題材例如：食糧人類，血之轍，庸才都可以出到書

仲有大把神作啦
你講嗰啲都唔算係啲咩黐線題材啦

咒術迴戰、鬼滅之刃無限列車、仲有約定夢幻島呢啲你唔講？ 根本人哋除咗有創意仲識得將自己啲文化融會貫通先有呢啲神作

約定的夢幻島呢套左膠作品都推

圈養糧食逃脫呢個題材好撚正喎
而且媽媽呢個身份對人性描寫都好大發展空間
反而糧食嘅角色因為年紀問題而比較受限

不過好似聽人提過動畫強行扭轉結局
打算有時間去追吓漫畫

講到一半，發覺巨人同夢幻島嘅情景有87%相似
大家都係被圈養，只係規模唔同

咒術鬼滅呢D王道鳩打漫都拎黎講
知唔知咩叫冷門呀小朋友

好想睇連登財經台神作《FX戰士韭留美》可以動畫化

下鬼滅咁hit都唔叫神作？
又鬥智鬥力又燒腦，算高水準啦

仲有東京復仇者我又係大推真心屌打啲咩鬼食糧人類啦… 啲畫風又靚

宜家講冷門題材多元化你走去講咩大熱神作
仲有鬼滅邊度燒腦小學畢業未？

鬼滅燒腦
你個腦係咪就係俾鬼滅燒壞

點都好，鬼滅點都算得上係高質作品
又有感動位，又有熱血位，又有感情線，又可以睇住啲角色成長，啲角色每次打鬼都要諗對策，唔係一味鳩衝，懸疑恐怖漫畫永遠主角都贏嘅，鬼滅啲主角係真係有血有肉，一失手就會死，咁都唔使鬥智咩

同埋佢啲大電影我都入戲院刷N次，係啲Hater搵嘢屌啫

個問題係你哋講嘅冷門作品都係低質呀嘛就係因為低質所以咪冷門囉

比較冇咁出名嘅我都識好多㗎，藍色監獄、JoJo 我的英雄學院都唔錯

已經分唔到係假膠定真心
藍色監獄JoJo我英都叫唔出名

之後先出名咋 我當時追緊嘅時候根本冇人討論，之後先爆咋嘛

咪就係學我話齋就係因為神咪會變咗熱門囉

你哋講嗰啲冷門作品我睇晒啦，就係因為垃圾所以咪冷門
係啲Hater成日屌咒術迴戰同埋鬼滅之刃，自己唔識欣賞唔識得去發掘當中嘅彩蛋同埋深層意義就喺度屌

兩套啲主要角色應該死就死唔會拖泥帶水，劇情冇破綻冇bug，亦都有道理教識我哋等我哋知道生命可貴，再加個完美收尾，咪正正係鋼之鍊金術師嗰啲Level囉

調返轉你哋啲冷門作品有頭冇尾，角色又唔鮮明，內容空洞兼超多bug，就唔講最熱門嗰啲淨係一套東京復仇者都屌晒你哋啲冷門作品啦，稍為唔用腦都睇唔明，好似羅蘭套天能咁不知幾正

係係係你最醒
我介紹你睇埋龍珠同one piece
唔好周圍同人講呀冇咩人識呢2套野

條友一係假膠一係終極真心膠
宜家睇落似後者，打一大野9up
居然話JOJO佢睇先出名第3部出左30幾年，咁都講得出

你派膠？龍珠同埋海賊王洗撚你介紹咩…係人都識啦

我講嗰啲明明以前都係冷門，係突然變熱門咋嘛

同埋我淨係鍾意睇啲有深度嘅作品，唔想嘥時間睇啲王道漫畫
One Piece同埋龍珠我又唔覺有咩內涵咪又係主角光環打嚟打去 完全冇任何隱藏訊息，小朋友Level

仲有JoJo我 30年前已經睇緊啦，佢紅都係呢幾年嘅事咋嘛，以前我睇緊同埋玩緊JoJo周邊嘅時候你哋仲係小朋友睇緊小丸子咋

見到你講咩JOJO呢幾年先開始紅就知你鳩UP
你都幾好野，憑空鳩UP都可以打咁多字