30歲月入5萬　供樓兼養2孩　港男呻壓力大不敢病　網民批犯2大理財致命傷

US美債危機@呂布 2025-07-08 21:31:45

香港經濟疲軟，卻因租金高昂而百物騰貴，市民生活水深火熱。有網民發帖表示30歲月入五萬港元，卻稱生活壓力巨大，「最驚嘅係有一日身體頂唔到菻（冧）咗落嚟」、「真係唔敢病」。

港男：「臉上帶著笑容，不代表過得快樂」

該網民自稱「供緊層4百萬嘅樓，畀家用，養2個小朋友」，妻子僅兼職，沒全職工作。經濟壓力下，他身為家中支柱，忙於工作，「覺得自己身體越來越差」，擔心有朝不支倒下、「冇咗收入，影響到全家人嘅生活」。

留言︰收入雖高、卻犯上2大財務致命傷

「有時睇完呢d，真係完全唔明我Daddy係點樣可以超低人工養起一屋5口人，好勁」該帖文在社交網絡平台收到近300個留言，「得一條友月入五萬仲夠膽生兩個，勇氣可嘉呀你真係」。

有其他網民為該名樓主打氣，叫他加油、頂住，或羨慕他年紀輕輕已有如此豐厚入息、「29歲，上一份工20k嘅我...」、「係香港真係好慘，月入五萬已經係打公仔top 15%，都係冇辦法安居樂業」；

但亦有人質疑樓主過度高估自己的經濟能力，「有2個（小孩）梗係大壓力」，批評他雖然收入高，卻理財規劃不善，至少有兩大致命傷...

理財致命傷（一）：月薪僅5萬、卻在香港生育
「得5萬都夠膽生兩個」其他網民狠批該名樓主靠區區五萬元入息育養兩名小孩不自量力，還要置業供樓，捉襟見肘是正常，「月入5萬都生2個？梗係大壓力」、「真係頂唔到叫老婆去返工請工人啦、死頂捱壞自己仲衰」...

香港地月入冇返10萬都唔好生仔買樓，唔係就真係會累己累人。

你生仔係為咩？為降低生活質素？

留言好多話佢30歲搵5皮好叻博，不過係5皮要養4個人+供樓就好大獲啫。

月入5萬仲要供樓，老婆又唔係返全職，根本就唔應該生第二個，直接拖低2個小朋友生活質素。

得果5萬，又話供樓又學人生仔，仲要兩個，其實你有無計劃過？

「無謂令自己人生變hard mode」

我都搵差不多5萬，養3隻貓，供樓都覺得吃力。

我搵5萬養自己都只係啱啱好。

有人自稱31歲月入五萬元，收入情況相似，但沒有子女也感覺勉強，「住租緊樓比埋家用都係岩岩好」；另一名自稱30餘歲，月入六萬四千元，在供四百多萬元物業，然而「冇小朋友，冇結婚但有穩定伴侶」，也只是剛好夠用。被問及會否生育，該人士稱：

唔會啦。無謂令自己人生變hard mode。

自問冇本事養，可能有好多人好享受有小朋友嘅生活；但我只想做多啲自己想做嘅野，體驗人生，生完就變左我要為小朋友人生負責。

不過都有少數聲音指「唔結婚生仔，唔買樓，月入5萬一早財自左」，意指想組織一個家庭，肯定需要付出。

年紀更大、情況更差者有人在

「壓力勁大！辛苦！」值得注意的是，留言中一些網民年紀比樓主大，情況亦更惡劣，「Same here四十中，月入五雞，供緊層六m（六百萬）樓加兩個細路，4y同10y（四歲及十歲），好驚俾人雞無左份工」

我48！返2份工，供二佰幾萬樓早上份工，夕陽行業，下午份工冇乜前景，擔心緊捱唔捱到三年！同層樓

理財致命傷（二）：家中僅單一入息
「如果老婆只係part time，你仲要有2個小朋友，仲供層4球既樓，你真係好勇...」留言區網民頗為詬病的另一個問題是，樓主沒有跟妻子好好協商，請她找一份全職工作，在幫補家計上做得更多，「有冇請工人？如有工人可以考慮老婆返FT? 」

「可以考慮吓叫老婆番full time，起碼都有2萬蚊收入，再請個工人都係8千左右啫」、不少網民直言「叫老婆返全職」，整個家庭根本由樓主撐起，其入息數字實際上要折讓為2.5萬元，認為若他太太也負更多責任由兼職轉為返full time，同時聘請家務助理，經濟壓力會大為緩解。

30歲，50k叻過好多人啦，有樓有老婆有仔女，人生贏家，叫老婆出去打工幫下手啦

搞唔掂就叫老婆出嚟做嘢請姐姐啦。唔好睇小嗰一兩萬...

兩個小朋友仲要供樓5萬好吃力。老婆如果可以返全職請工人睇住小朋友成件事會好好多。

你另一半無收入你實際只係得2萬5，搵方法搵多一兩萬抖下氣啦，無計劃就係咁。

建議太太搵一份可以彈性上班嘅full time 工作，分擔下你嘅經濟壓力。

完全唔明家庭規劃，已經生咗冇辦法，叫老婆返工啦⋯⋯ 點可能5萬生活到。

有人留言稱，覺得意見太過一面倒批評，「大家見親呢類post，第一個反應係咪一定要話人地搵得錢先，而第二個反應就一定係話人地生幾多個小朋友？」、「咁多位笑佢月入5萬少，真希望願聞其詳閣下月收入幾多錢？」、「好多住公屋搵2,3萬都生幾件」

搵5萬養自己一個都係岩岩好。算吧啦，樓主開完個post，唔好睇d留言會好d。

每個人故事唔同，留言者無需理解你一直走來嘅經歷，但你可以。如果太辛苦，就比自己休息下，不論是一日定一分鐘。

硬擦膠 2025-07-08 21:39:10

咩工可以搵到5萬？😅

日日鳩UP 2025-07-08 21:48:52

5萬兩公婆供層樓二人世界都仲叫夠。1個做野4個食仲要供樓