將imax換超人唔上F1 啲戲院執笠都係正常

上面講緊時間
定你想叉開嚟講？

你真係覺得F1有大部份時在文戲上？

超人有一埸戲，講Louis lane 同超人講心路歷程，在沙發上講了15分鐘，你接受得到 ？

睇左F1， 未睇超人。
只可以話F1唔洗睇imax

畢比特一出場房車拉力賽果到幾分鐘內
黑人主角+畢比特各自試圈又係各自好短時間
到真係F1比賽，第一場勁快就2人炒埋一堆退賽

真正長時間D係由鬧完交，畢比特幫黑人主角拎到一分果場開始，之後黑人主角衰貪心炒車果場，到最後大賽係最長，呢三段加埋應該有近1小時吧

但中途D賽前練跑、每場briefing，傾策略，賽後鬧交、研究風阻、扑野等文戲都勁多

冇咁差，我覺得好好睇，角色劇情都好豐富；F1 同超人都係睇IMAX，兩套都好睇

呢套係重啟版本，一定要重新建立呢個版本的超人的信念、價值觀、做事方向

正如不同的蜘蛛俠好多次都要同叔叔對談，面對叔叔死亡一樣（上次就改用梅姨嚟代替叔叔死亡）

你接受到咁長的對白，我無法反對囉。完

最好由頭打到尾

係長咗少少，但問題不大，成套戲只係打打打好攰的

弱唔弱只係設定問題,打得好唔好睇都好睇個人喜好
但超人問題係太弱智, 講緊大部分人包括路人都係
超人打幾次複製人,個複製人仲要係用心口擴音器收指令，咁多cam飛黎飛去都無理過, 劇情殺要輸，當今套超人設定係魯莽唔用腦戰鬥都ok

群眾會突然一條片,專家話真就信晒反超人，講緊係啱啱打完怪獸咁多人睇住佢救人嘅群眾個反應係變晒屌超人怕超人，連個結尾光頭都係一個新聞就全部人反光頭, 捉左光頭上車就話呢家送去監獄,正常對白應該去警局,等上法庭之類，卡通片式嘅劇情走向

捉左超人後光頭要山長水遠入去係佢面前殺條友，但光頭個設定演唔到想睇超人崩潰嘅變態殺人狂，如果光頭係改做joker個類人,咁個劇情會合理得多，但光頭喺成套戲個演繹配個劇情係好突兀，硬係要塞d劇情想話俾人知佢係壞人佢係奸角，明明最後佢自白個度有個害怕超能力人失控咁好嘅藉口

而搞咁多野只係想引發元素人幫超人，元素人可以有咁多時間整個太陽, 隔離d囚犯又係咁叫，對面看守個BB條友可以無反應，正常應該係會舉起個BB作要脅，前幾分鐘先影住元素人因為個仔做人質都嚇到唔敢郁唔敢反抗，一個阿叉係佢面前死左就唔理個BB，而個看守又一齊唔Q理

成套戲嘅感覺就好似睇TVB劇集咁，連講秘密一定會俾壞人偷聽呢樣野都有，真係TVB編劇黎。睇左陣都已經判斷到又係個類唔好用腦去睇嘅俗套超級英雄片。丟左個腦當target細路仔嘅片係ok

但我覺得就算想合家歡，都可以改少少就會好好多
例如光頭佬可以唔係俗套嘅為惡而惡嘅反派
CUT晒d囚犯，自拍妹被人捉，光頭唔知為乜嘅妒嫉超人等等，對個劇情根本無任何影響
慳個幾分鐘講光頭點解咁怕超能人，老套d可以係家人因為超能人失控死左之類，動機合理就得。超人父母片公開後，與其影住超人發嬲，節目一面倒屌超人，不如改做有唔同輿論，有相信有懷疑有馬騮，令超人氣餒一路以黎幫人啱定錯，條女開解佢叫佢問本心

最尾超人同光頭個辯論就合理得多，光頭講佢擔心無敵嘅超能人失控，超人講都係好軟弱會受傷。光頭可以質疑超人嘅無限制行動點為之啱定錯，今次阻止俄國入侵烏國點知烏國又無錯。超人可以講自己都係地球長大會相信自己本心之類
最尾個場戲碼本身可以好好睇，唔需要加咩劇情，只係改對白就得。唔需要大條道理，哲學嘅野無答案，拋個命題出黎等觀眾自己腦補就得。反正講講下未有答案時就會有隻狗出黎中斷對話

另外想講百老匯上網買愉快動物餅電影睇，都要每人一舊，仲要各十蚊手續費，都唔明上網買飛唔係有折先岩架咩，啲手續費for wt呀？ 加埋個票價，百老匯遲早都玩完呀咁款

超人IMAX場場都綠色，F1得返重映少量場都爆真係超英片人氣已完

去深圳睇
仲有IMAX GT場

GT最近要去東莞台北先有，深圳咁細得假Laser IMAX同普通假IMAX

其實你睇個討論度
超人個post 第一個星期都未過就已經第二個post
F1 過左咁耐 都係第二個post

睇電影多啲對白都頂唔順
你都係留係屋企睇reels啦

超人po有一半嘈zack snyder

香港人不嬲都當啲嘢開頭冇人知冇人要冇人幫襯，係都要啲嘢臨尾就完就嚟執笠先去狗衝排隊幫襯你話死唔死？

依個真
有無咁忙兩星期都無時間去睇

其實真係有必要

今次基簡特完全地球人化, 對家庭對愛情對事業都貼近普通人好多, 甚至會好似普通情侶咁為D價值觀而吵架, 更講出我愛你, 好係一般人日常, 但同時佢亦清楚表演到佢知道自己作為超人的使命

今次特登用返傳統漫畫咁藍色衫配外面紅色底褲, 似係想追求貼近返漫畫真人化感覺, MOS唔係唔好, 但太型棍, 型到同以前漫畫的超人好唔同

一半嘈果個係預告片po
正式上左都冇乜人講zack啦
占根呢次真係交足哂功課

Man child adhd garbage

深圳都假laser？ 清楚過香港喔
東莞嗰個係雙激光 深圳同香港係單激光
大家都係laser