問買樓啲錢係咁黎

有巴打問買樓啲錢點黎，我見好多巴打回身邊啲人點點點其實無意思，不如我地用數據去到分析仲好啦。

首先我想講香港近十年平均物價上升左一倍，無論你係去茶記食個飯，定係街市買野定係租金。係日常生活既生活成本比過往高左一倍。

再睇下香港貨幣供應M1，升左大約三至四倍。

至於M2貨幣供應，就上升左兩倍左右。
讀過Econ都知M1就係大眾市民手上現金既數量，由呢個圖可以睇到香港市民手上幫有現金既數量係十年前既3至4倍，而M2上升既幅度比M1小呢到可以睇到銀行乘數發揮唔到佢最大效果，即市民借貸並未有好似09年咁多（比率）。

以呢兩個客觀數字去睇，市面上物價及樓價應該上升二至三倍。呢兩個圖可以話俾你聽，香港人實實在在比過往有錢左兩至三倍，並唔係乜野不停槓桿借上借而來，所以防守性好高。

當然淨係睇存款數字係未能表達其他因素，例如係以上呢一幅圖就會顯示香港人口有不足7百萬上升到7.41百萬人，相信等依家2019年數字應該更高。

由於通脹、人口增加、貨幣供應增加等因素，你想一間400呎實用既樓落返200萬其實真係好難，因為香港人好多都揸現金，你樓價跌落黎200萬，好多人會有錢掃多一兩間。

而佢地啲錢點黎？我唔會有一個好確實既答案俾你，因為每個人搵錢嘅方法都不一樣，如果佢十年前買大陸債槓桿3倍收息回報1年25%都無問題，收幾年就一倍，而且佢可以re-invest 十年升兩三倍都得。當然唔係人人會咁做，我舉個貼地啲既例子，例如我朋友，一家4口佢地買樓唔係單打獨鬥，佢地會一齊儲。

父做三判月入5萬
母做油漆月入3萬
大仔做地盤月入2.5萬
細仔做文員1.7萬

就咁佢呢個家庭收入都12萬，減去日常開支儲7萬一個月一年就夠首期，如果你父母都無樓仲諗住單打獨鬥，咁你會好吃力。我朋友呢個家庭先儲錢上左車，再一邊供一邊幫另一個家庭成員儲錢會易過你一條友。而且可以食埋樓市升值。

然而你上左車有好多野可以另外幫到你。
1、供樓利率扣稅
2、mortgage link 户口(存入去既錢會俾你按揭既同等利息)
3、轉按(大約可以每兩年拎到按揭1.5%-2%金額回贈)

所以如果你買左樓而你人工高少少3-5萬呢批其實佢供樓根本無厭力。你自己試下計條數就知，稅交少左，户口利息高左，轉按回贈幫你扣左大部分利息，如果你mortgage link有筆錢，可能直程全部利息都可以用2同3去抵消。你供樓舊錢其實係淨儲。

話分兩頭，十年前平均樓價大約4500一呎左右，如今跟M2同通脹升一倍，咁合理樓價係9000一呎所以如果有盤出緊400呎360萬其實算合理可以考慮出手。最後我想同未上車既巴打講，有正義感係好事，但有正義感但又反抗唔到呢個資本遊戲時無謂鬥氣，當然買樓唔係唯一出路，唔買樓都可以好好，磨練好自己既專長搵快過樓市升，咁仲型。

下？乜你冇Daddy嫁咩？

講咁多把撚
窮人點都要有個出氣口
事實亦好多人礦連兩百萬都冇
冇家底，家庭收入低於50k做租租月月清
咁呢班人肯定最大怨氣日日恨社會0首期公屋租金上樓先覺得合理
未計現實有幾多廢青工都唔返，自覺清醒人間唔係富二代就等躺平重刷，日日放負覺得社會+父母虧欠緊佢，接受唔到自己係最底層

就算佢接受到自己係底層都一樣屌架啦

睇完得啖笑就算 同佢地認真做乜

窮人白手起家可能有一百幾十萬已經覺得自己好有錢
對比起隔離惠州定乜泰國越南已經可以拎到下優越感
但對比香港本地個班真係得啖笑，呢度幾百萬好多人有，條街平均每10零人就有個過一千萬
自然會有種心態明明唔係真係好窮，但點解留香港都係爛泥，生活，溝女冇優勢，覺得被低估而日日數臭個地方

然而你上左車有好多野可以另外幫到你。
1、供樓利率扣稅
2、mortgage link 户口(存入去既錢會俾你按揭既同等利息)
3、轉按(大約可以每兩年拎到按揭1.5%-2%金額回贈)

睇完有啲野想講：
1. 交租都可以扣稅，扣稅額同供樓利息一樣
2. ML一直低息過美債好多，有金融知識既人唔會用
3. 轉按2%回贈係2023年既事，依家無依支歌仔唱

有fd 做咗8年中學教師就儲夠首期上車

Money supply 睇唔到幾多錢走咗去外國買樓

計我話，用首期筆錢去買美股tqqq

三年後full pay買樓

講住咁多先，三年後返嚟多謝我

8年老師，22歲做到30歲，儲2球唔難