逐step計錢美容院Onlxx真係刷新我三觀

我自問都係一個縱橫港九新界美容院好多年嘅女仔，
又在普通生活Facial人手按摩Facial ，
去到一啲高能量機例如pico 無針埋線，
我都有做開都有買，
因為我成日周圍做嘢，
我就喺各區都有買啲格仔plan做普通護理 ，

最近去咗個連鎖美容店Onlxx買Pico打斑，
佢賣廣告都幾落力，我去試咗

好鬼癲，我去開其他舖頭做，
正常做得高能量都會至少做查吓啲gelmask ，
佢哋話做完查嘢要加錢，
勁貴！我就話唔使，真係乜都唔幫我敷，打完就即刻起身😀
都唔緊要啦，咁我準備走啦，又俾人捉住我嚟sell
唔Sell到誓死唔放我走，疲勞轟炸，我就諗住是但買啲格仔，
咁多一個地方做吓生活Facial都冇乜嘢。

我第二次去嚇鬼死我，
入到房瞓覺卸妝洗面，洗完面就開始黎料
個美容師開始開Turbo sell 七百幾蚊嘅導入機，
唔知乜嘢精華，我話唔使我揀返格仔，
之後又話我淋巴塞咗，不如試吓佢哋通淋巴機，
又四百幾蚊，我話格仔plan咪有人手通淋巴，
咁佢又講繼續講一大堆嘢，我死都唔制
佢又提出話不如佢比我用三個格仔加錢轉，
一個格仔150，3個都450仲加錢，我都係唔制，
點解我唔可以揀自己想做嘅嘢？？
佢Cell嘅同時我塊面都就乾到裂，
個美容師死死氣俾我睇ipad格仔有咩做，
我想影低等我以後可以揀定做咩先佢話唔可以影低，
嘩，乜咁公開㗎？？咁我用咩保障自己呀？
人哋啲舖頭一張紙list out晒有啲乜嘢做點會咁鬼鬼鼠鼠？
我揀咗一個保濕嘅冰頭碌面，乜嘢燕窩保濕療程（括住40分鐘)，再加人手通淋巴，
佢就話通淋巴淨係面部呢個唔包頸既位，唔會按我塞既位，
咁我即刻話咁唔使啦，我都唔明通淋巴，唔係通頸淨係按面？
我話唔使之後，佢就隨即幫我碌機，
我點知又唔包針清㗎！？
黐線，人哋啲美容院每個item都係full set ！
然後做做吓我問佢嗰個燕窩保濕療程40分鐘係有啲咩㗎？
佢同我講係mask，就係敷mask😀
咁寫乜鬼嘢40分鐘，完全誤導消費者
150蚊，我買好靚嘅mask屋企日日敷都得啦。
咁我就同佢講唔使，我屋企大把mask
佢就同我講，咁你碌完就乜都冇㗎啦喎就走㗎啦喎。

佢同我講係一格揀塊mask，一格針清修眉，一格做清潔，再可能一格做保濕咁。

講真，咁樣都480，但係你啲嘢真係唔值。

我建議各位靚靚真係唔好去呢間，
買之前一定要了解清楚成個療程係做啲乜嘢。

三你老母臭閪

計錯咗逐格計咁樣四格$600

推

智商稅
不嬲唔去美容院

免費都唔會去
諗下去到實會俾佢捉住黎sell
就算唔買其他plan都好
時間成本都係錢
又情緒勒索 又人身攻擊
咪搞啦