失業唔使煩, 我個經歷係咁

我試過失業一段時間, 會每日揸車去唔同海灘, 聽海浪! 閒日啲位多到打橫泊都得. 香港好細, 油錢有限, 我都係買個飯盒上車自己食.
就算唔揸車, 行山都得, (當然顧及自身安危), 先揀一啲最簡單路線, 有時我見行山友, 咪一路跟住佢哋行, 打聲招呼問一齊行得唔得, 我又未俾人拒絕過喎. (有次好彩撞到兩位年輕女生, 一齊行還交換電話)
再唔係, 行博物館, 咩都行, 仲要慢慢下, 逐件展品慢慢睇都係一種享受, 前提你要對事物有好奇心.
有時我甚至會喺香港城市入面亂行, 例如中上環區, 深水埗區等等..... 重點係亂行, 有時見到個超小型城市公園咪入去坐一陣. 感受吓涼風, 吸啖新鮮空氣.

行, 係講緊每次最少行30分鐘至1個鐘, 你可以由自己住果區開始行, 向外行夠一個鐘, 其實都唔會遠得去邊, 攰咪搵間茶記食少少嘢囉.

再窮啲, 帶支水, 買一支法國長包, 慢慢食, 要慢, 細心感受吓個味道.

行嘅過程, 最好留意身邊事物, 除非你行一條好長嘅海繽長廊, 咪聽吓音樂放鬆吓自己.

其實上youtube聽吓時事嘢都好, keep住個人update, 唔會脫節.

到最後, 係講返你自己係一個咩人, 如果你本性係好, 以前識落嘅人, 自自然然會搵你, 幫你, 好快就會搵到工, 如果唔係, 要趁呢段時間反思吓, 我自己都係咁, 有時諗到自己都覺得汗顏, 要好好反省.
以上係我自己個人經歷, 就算而家呢刻有工返, 上面嘅習慣我都有keep住做. 我知好多人有經濟負擔, 但呢啲急唔嚟, 每日咪搵兩個鐘, 認真搵工, 認真寫好CV, 認真練吓英文introduction, 其餘時間咪放空吓自己囉, 記住, 每日最多兩個鐘就夠.

準備失業，開始諗定遲吓點樣渡日

又係比人逼辭職？
定係肥雞餐

面皮薄，食唔起肥雞

呢排好打戈朋友
一係比人雞
一係比人勸退
市道好差

講經咩 普通人行1星期咩都悶

LM認真試下睇下搵唔搵得返想做個行

樓主果種生活我過咗兩年除咗燒錢0缺點

梗係肥雞, 當年我都係食肥雞, 同埋, 當你仲諗緊, 過多幾個月, 肥雞都未必有得你食. 記得有得食要盡快食

睇你個人啦, 我反復行同一條路都唔厭, 當做運動, 何謂聽耳機內容都唔同

係, 但係唔算燒得多, 睇你點使, 但起碼個人keep 住run , 唔係頹喺屋企. 當然每個人情況唔同, 要自己fine tune吓.

Cut costs 又可以meet recruitment kpi
何樂而不為

失業真係好Q正

每日起身慢慢食早餐, 睇住旁邊D西裝友趕頭趕命,自己懶懶飲杯奶茶

食完早餐, 返屋企上網搵工, 每日SEND十封信差唔多,

之後訓覺, 訓到十二點或者一點起身, 可以開電腦睇劇, 睇電影, 打下機, 有左電腦, 呢個世界大把免費娛樂

到左三四點, 可能會覺肚餓, 由於消耗唔多, 可以考慮落街10蚊兩個包, 或者 食麥皮

HEA到晚上, 如果有家人就返屋企食飯, 冇就盡可能自己煮, 節省少少

失業左一個月, 依照咁既生活方式, 扣除必要開支, 總支出大概平時返工四成左右,

諗落都覺得好笑, 我辛苦工作, 為左就係六七十歲後, 可以享受類似咁既休閒寧靜既生活

原來失業已經可以做到, 人生真係可笑, 哈哈

有咩煩 係屋企開大冷氣打機好開心
係屋企人煩先迫到好多人覺得煩

你失業幾耐？
做開咩工？

最緊要係調整心態, 返工唔係萬惡, 失業亦唔係罪行.

失咗 2-3 個月, 都係一般文職.

冬天時，一出去行就行3至4粒鐘

但夏天頂唔撚順

（失咗業好撚耐）

係, 呢排咁熱, 係要避開中午, 晏少少先行囉, 唔係負擔嚟, 每日最少行30分鐘都好, 加油!

有時啲嘢係咁, 你出去行吓, 周圍望吓, 總會有啲嘢啟發到你.

聽日開始跟樓主試下順路搵定D之前想試嘅餐廳去下

your choice

點都得, 有時我行到邊, 食到邊, 有時見到啲好頭泥餐廳咪照中入去, 往往會有驚喜

學歷高唔高？