享和街車房老闆娘拒道歉：我哋錯佢無錯？ 嗌交一定係兩邊唔啱

21:16 2025-07-06

荃灣享和街發生車房職員與司機因錶位爭執事件，引起社會熱烈討論。至今日（6日）晚上，有網民上載一段天眼片段還原事發經過，片中見到一輛客貨車當時正由車房駛出，一名女子在馬路「睇位」，惟一輛私家車企圖駛入車房前的咪錶位，多名大漢立即上前與私家車司機理論，從而引起今次事件。車房老闆娘黃太向記者講述事發經過，認為雙方都有錯：「嗌交一定係兩邊唔啱，講真你叫我道歉，咪即係我哋錯佢無錯？」

片段長達4分44秒，左上角顯示事發時間為昨日（5日）晚上8時03分。片中所見，一輛白色客貨車在車房內維修，一輛深色客貨車駛至車房對開，企圖阻擋其他車，方便讓白色客貨車可以離開車房，惟私家車突然向後駛，企圖停泊車房外的咪錶位。一名女子、深色客貨車司機及一名赤裸上身的男子立即上前與私家車司機理論。雙方爭執的聲音極為大聲，粗口橫飛，私家車司機突然下車向眾人喝罵：「你XＸ我？」，而赤裸上身的男子亦回敬一句：「你有本事就咪Ｘ走！」

不少網民對片段議論紛紛，有人認為雙方都非常躁底，「睇完呢條片就唔係車房錯晒，係私家車Ｘ街」、「根本就只係一出車，搵另外一架黑色車霸番個位，所以先趕私家車走，係互換咋，揸開車都明依個動作啦」、「其實如果唔一開始就Ｘ人就好小事，人哋見有車走咪埋位」、「這段片較全面。看來是有前或前前傳」、「兩邊都錯」。

今日（6日）早上警方到現場一帶巡查執法，有網民更上傳一張相片，指涉事車房門外的錶位被警方以封條圍封，阻止任何車輛停泊。《星島頭條》傍晚再到現場了解，發現車房對開的咪錶已經停用，而門外則放有多個雪糕筒。

車房老闆娘黃太向記者講述事發經過，指當時車房有車要駛走，私家車又想駛至咪錶位，職員才會上前阻止，「我哋係驚有危險，我哋先至呠你先至提醒你，如果嗰刻唔制止佢，真係會撞車。我哋車房有車出緊去，佢又想褪入嚟，我哋同佢講有車出緊嚟」。她承認伙計態度比較躁底，但認為「一隻手掌拍唔響」，「好多嘢係睇你點睇，嗌交一定係兩邊唔啱，講真你叫我道歉，咪即係我哋錯佢無錯？」

她透露事件發生後，今日車房完全無生意，亦不知警方為何要封咪錶位，現時只希望盡快結束事件，「警方無同我哋講，唔明白佢點解封錶位，嘈交同封錶有咩關係呢？我哋暫時都唔知點，我哋都等緊佢，我哋都想知發生咩事…其實我地舖頭唔想同人嘈，人地都會同你嘈㗎嘛，我哋都避免唔到」。

車房老闆娘較早時份接受記者訪問時表示，車房職員與司機因錶位爭執很常見，全港也有同類情況，她與丈夫一直有勸員工「唔好咁易嬲，人哋點做人哋嘅事」，沒有必要大動肝火，「做生意，求財啫，嘈交冇意思」，懷疑員工因「天口㷫」容易被人挑釁而發嬲。

翻查資料顯示，享和街近年屢次發生類似糾紛，例如去年 10 月亦曾有車房職員因泊車問題與司機起衝突，最終演變成襲擊事件，司機需送院治理，當時一名職員涉「普通襲擊」被捕。

正常天龍人思維

‘’嗌交一定係兩邊唔啱‘’
丁蟹咩 啱唔啱講有無道理，霸佔公家泊車位 仲聲大大

又玩呢招 想各打50了事

黑社會黎

邊到黎既一定兩邊唔岩，講得呢D假客觀句子既人質素一定低，不求甚解，腦能力低

唔緊要喇
唔覺得自己錯咪繼續唔好做生意囉

啱呀，企硬千祈唔好道歉呀
講真，香港人性格玩兩三日玩厭咗就唔玩㗎啦
呢幾日無生意做咪由鳩佢
最緊要為啖氣

女丁蟹

最衰都係拍片條友泊左佢車房專用錶位啦
明知人地車房門口d錶位係車房專用
佢又霸人地個位
重要報警拍片
應該係拍片條友話去跪地道歉
幫達明同藍衫含返飛 幫老闆娘賴個閪

唔好撚玩啦，揸開車邊個唔知車房出面幾知咪錶比你班撚樣霸撚曬呀

一撚定係人哋錯啦

張凳啊雪糕筒啊
全部自己有腳咁企喺錶位幾年啦

你唔霸，得撚閒同你嘈咩
抵掃場啦

封錶位關車房咩事？

事頭婆係條片入面個啊婆？

笑死, 咁都可以係兩邊都有唔o岩

政府check唔check到呢個錶位幾耐無俾錢?

語言偽術

而家個問題唔係嗌交係霸車位

一係扮傻
一係真傻

過幾個月又不了了知

點會check唔到，依家d咪錶仲會偵測到邊d位有無車，都唔明點解唔顯示埋邊d位未入錢而又有泊車，得人舉報/抄牌既係app見到邊到多違泊就去炒啦

錯在無每日報交通部, 呢度有車房懷疑霸佔咪錶作商業瞬途