一部係SAMSUNG S24U唔知邊度水貨(間舖話中東版，但開機預設西班牙文介面)，幾個問題：
1.倒水電，朝早充滿100%，唔打機唔睇片唔睇地圖，最多影下相，下晝三點左右就冇晒電。
2.機身好熱。
3.倒水數據，兩張數據卡都燒晒，以前多次旅行從未試過用得晒。回港後，兩日燒咗6GB數據(多年來都係一個月用最多10GB左右)。
4.有相當多嘅apps開唔到，一開就有段英文，大意係話部機同隻apps唔相容，要去google play重新download。
5.連個google play都唔見咗。
結果要恢回復出廠設定，由頭再登入、再裝返所有apps，暫時未見有問題。
另一部係VIVO X200 Pro國行，都有問題，但相對輕微，係呢幾隻apps唔得，但刪除後重新去google play安裝已冇問題。
1.麥當勞apps話裝置同隻apps唔相容。
2.payme話要去google play重新download。
3.klook變殘體，登入話無網絡連線。
唔係第一次去大陸，之前都去過新疆12日，全部冇問題，雖然已解決，但都想知係乜事？點預防？
