棍Van 上咗12堂扭軚轉彎都係搞唔掂

打機練唔到空間感同睇位

以前師傅教.
其實貨VAN個前轆, 係你seat 位下面.
你想像下個轆就係你對腳, 你就會知道幾時要轉灣同回軚.

樓主應該係諗住架車 過對正條馬路先扭返正，，咁就慢左啦

所以話連登真係成班LOSER, 咁都叫刷優越感 大把人學得少過我都1 TAKE PASS
你係唔係就係廢到學30個鐘都PASS唔到果D?

如果完全唔靠電子輔助嘅情況下
技術唔夠你希望冇咁容易整花條鈴
我會建議S位尾入側鏡會見到尾轆就快到石壆就回盡
幾時等於「就快掂到石壆就自己望多啲感受多啲」
P牌仔無嘢做出去練多啲泊車好有用
熟啲之後就開始唔好限死自己用同一個方法泊位
因為你好多時喺香港街道上都係左偷右偷
尤其是啲人Double Park嘅情況下 如果你入唔到就冇咗個位㗎啦
但係有啲車隻鏡衰
你拎多啲位望到地下多啲就會犧牲咗望遠
偏下就係望到多啲石壆，偏下就係較側鏡「上下左右個下制」
你去搵個停車格L位泊好之後直接向前離開隻格仔
再開始較隻鏡上下當你清晰見到兩隻尾轆條黃線
用文字好難講自己感受吓。
同上面泊S位見到尾轆就快掂到石壆就回盡個道理一樣
你泊停車場L位都要望到兩條黃線先知自己架車直唔直同有無出界

上到高速睇鏡後車與車之間嘅距離感無得教
上YouTube搵「汽車側鏡後車距離」
會有大概嘅概念教到你 熟能生巧～
乖乖地揸返一萬幾千公里個距離感會越準
一直換車，電子設備越嚟越勁
我都強調自己有得選擇嘅情況下電子設備只能夠輔助不能盡信

揸車望遠啲唔好一直望人車尾眼球嘅聚焦點要一路變
望多啲地線，望多啲鏡養成望鏡擰頭嘅習慣，多盲點嘅地方例如迴旋處望鏡擰頭，千祈唔好覺得考完牌就冇用，通常發生交通意外要賠錢嘅一方就係因為佢地冇望清楚，尤其係啲螺旋處咁多意外就係無擰頭多。
擰頭就係快速望一望後座窗口睇吓有冇車喺你油缸位置拍跳，人哋車頭喺你油缸位置拍跳係最易進入咗側鏡嘅盲點，最恐怖係可以完全見唔到有車 但佢就正正喺你隔籬，雖然依家啲車基本上都會係側鏡有粒橙色嘢提你後面有車。

唔明有咩因果關係
下次試下用下腦先講野

你應該先係loser
成世人冇成就到要靠考車一take pass 黎拎成就感
get a life bro

講幾多都係紙上談兵
都係要練
不過如果有人陪練會好D, 有得示範
我見好多人帶條女去汀九停車場練, 不過佢地係咁繞圈唔知係度做乜9

van車頭短到又坐得高已經叫easy
去私家車坐得低車頭長，真係難判斷好多

你識唔識踩單車？
如果識去踩下就知點揸直線同轉彎

20個鐘2 take

認住車頭同你右邊條線既關係呀 你望下係條路中間果時你右邊條白線係車頭邊個位 之後你目標係keep住條白線係果個位穿過呀