馬斯克宣布成立新政黨與川普決裂 聲稱美國「一黨專政」

侵鳥

我反而認為唔可以郁佢, 一郁佢就多左同情票. 你由佢做小丑, 佢 EQ 低會自己自爆.

阿Q

最鍾意啲有理性有邏輯有論點嘅討論
今次就由其中一句開始講起
你話Donald Trump面對嘅嘢老羅斯福都一樣面對
絕對贊同
問題係而家只係開始
仲有三年半俾佢繼續創造歷史
我好樂觀佢嘅歷史將會一樣比一樣偉大
不過呢啲係個人感覺不成論據

Doge 係一個姿態
佢成立嘅規章已經限制咗佢可以做到嘅嘢
佢係一個顧問形式嘅組織
最嬲尾執行嘅係政府
所以實際上嚟講佢一啲權都冇
不過佢嘅象徵意義好大
俾人睇到政府內部浪費詐騙極權嚴重
會係縮減政府架構嘅好開始

咁樣睇好似喺商業成就方面佢冇乜嘢做到出嚟
我就唔係咁睇
佢嘅關稅令到工業從歸美國
呢個係哥哥政府嗰個總統都想做，但一路都做唔到
而家佢開咗個頭，我樂觀地認為可以成事
不過都係我一廂情願，結果四年之後大家睇成績

軍事方面，美國當時要打都只會係區域戰爭
限於科技
佢稱霸成個南北美洲基本上就搞掂
歐洲嘅宗主國，你認為佢哋有能力跨過大西洋打美國？

現代戰爭科技厲害之處係地域限制少咗好多
所謂嘅地球一體化換句話講亦係軍事戰場一體化
美國要防嘅唔再係自己美洲嘅事
而係全世界嘅威脅
仲有左翼思想恐怖主義，由於邊境開放冇王管式嘅流入
中東問題自從1948以色列立和以來從無間斷
永遠都係美國頭號政治問題
無數總統想中東和平
Donald Trump第一屆嘅成就已經係過去所有美國總統加埋都唔夠
我哋內心睇下佢第二任會搞成點
總結軍事或者對抗外敵成就上
美國武功天下第一，係人都知
伊朗係一個最佳例子，我相信冇人敢撩美國搞事
真正嘅戰場，其實係意識形態
歐洲已經完全陷落，我睇唔到有翻新嘅可能
可能有一兩個國家仲頂到好似波蘭咁
但最大嗰幾個國家完全食晒屎
左膠思想引入中東難民係錯中之錯
Donald Trump撥亂反正咗一半
就睇佢搞唔搞得掂，另外嗰一半

我要講攞老羅斯福嚟做比較係唔錯
佢兩個面對嘅困難相似
成就都有唔少可比較之處
邊個高邊個低？而家睇有少少個人自說自話
唔緊要，民主自由就係要言人人殊
就好似要比較美斯同比利邊個係goat
我一定高舉美斯
無論技術成就數據，同埋現今足球嘅競爭度
同樣情況，我今日會高舉Donald Trump 係史上最偉大領袖

係既 終蟈先係協商多黨制 先夠民煮

扮嘢啦，到時兩個黨都係佢哋啲人，民主黨就收皮，而且一個外國人搞「美國黨」都幾好笑

佢有咁多時間
不如先去搞返好佢自己d火箭先啦

Bill Clinton 好多係由0去1嘅改革，我同意你部份講嘅佢啲改革後繼乏力，但你要記得佢好多政策同開咗先河，呢樣難得好多，你講嘅教育就係其中一點，當然仲有佢一系列宜家睇落偏左嘅政策。
至於中東問題，President Clinton真係冇計，佢前任Bush打波斯灣戰爭已經令全國經濟陷入衰退，又無法有效消滅薩達姆政權，留咗好多蘇州屎落嚟，國內反對聲音太大甚至令佢連任嗰到。嗰陣Clinton已經係盡力去處理中東事務，並且都取得一定嘅效果。
反觀侵侵都係冇徹底解決到中東問題，當然佢仲喺佢任期入面，好難有個全面嘅評價。


題外話，我好中意Paganini嘅violin concerto no.1 op.6 allegro maestoso
同埋支持開文學po，經濟方面小弟認識唔深

馬一龍：

美國兩個政黨獨裁壞

中國一黨專政正

哩條友講個d係野係真 ??

克林頓又來將聯邦國債佔GDP比例減少10幾個%
係前無古人
呢個係佢最大功績
完全冇得坳

但係Donald Trump有可能係計佢之後將聯邦國債減少嘅總統
唔認為會超過10%
但絕對有可能會喺佢任內國債開始減少
呢個仲有三年半去睇

講打仗，Donald Trump一樣繼承咗好多問題
奧巴馬嘅J C P O A
北約幾十年來都唔俾錢嘅問題
明知中國偷技術完全冇計棟喺度
呢啲係第一屆
第二屆就仲慘
DE I男人打女人
非法移民
以巴俄烏
同埋比奧巴馬同拜登養到肥肥白白嘅伊朗
佢係比民主黨偷咗個總統選舉
所以佢第一屆之後我唔會話佢係咩偉大總統
但去到今日佢嘅戰績，我認為已經世上無人能及

Paganini 嘅全部都好撚難拉
高興連登都有少部份人鍾意聽古典音樂
至於開新post得閒先再諗吓

當中講嘅有兩個，我冇跟到其他嘅都啱
就係Socialsecurity嘅發放金額係咪下降？
同埋big balls重返政府
再加多一樣，關於D E I
就係 UPenn 褫奪 Lia Thomas 扮女人攞到嘅獎項
俾返第二名
同埋正式宣佈唔俾男人打女人

兩邊到界
共和黨都有bush呢d非maga甚至本身反侵

馬斯克（Elon Musk）在社群平台X發文表示：「說到浪費與貪污導致我們的國家破產，我們生活在一黨專政而非民主體系裏。

正常人都頂唔順條傻侵

下星期又取消返 都係夾埋造市

捉個蟲，係“繼”佢之後。中意詩詞歌賦冇理由錯，呢啲低級字。

預測性嘅嘢唔評價，畢竟未發生。

針對返你講嘅軍事，JCPOA同你後面講嘅所謂奧巴馬養肥伊朗係同樣嘢，呢份文年簽署於2015年，伊朗通過呢份文年爭取減少國際制裁，另外幾個國家就用嚟制衡伊朗核問題。
JCPOA簽署後伊朗係有按照協議內容減產核武級濃縮鈾，唔再起重水反應爐以及再處理現有嘅核物料。
問題係17年侵侵單方面宣布美國退出JCPOA，並喺第2年再次制裁伊朗，令到伊朗宣布停止履行部份協議。隨後侵侵英明嘅決策下，美軍空襲伊朗，令伊朗完全中止協議，仲間接促使近期嘅以伊問題。
試問就單憑呢點，侵侵有咩資格用炸伊嚟打飛機，仲要吹成佢嘅政績？

喺連登我一向都用iPhone語音輸入
好多人都話我成日打錯字
我其實唔打，全部都係語音輸入
好少會改嗰啲錯字，大家睇得明就算
鍾意詩詞歌賦
我自己離開香港頭兩年
就係自己寫詩對聯，去解思鄉之情
冇乜興趣講古人寫好嘅詩詞歌賦
不過有興趣睇人自己寫嘅詩詞歌賦
有時間先再討論呢啲嘢

最JCPOA最大嘅問題係伊朗唔俾國際原子能機構檢查軍事設施
即係佢可以將所有最重要嘅核彈製造工具收埋喺軍區嗰度
呢個係我成日講奧巴馬弱智無能簽咗個金白癡嘅協議
Donald Trump喺中東嘅成就，冇人能及
最主要係佢第一屆簽成咗Abraham Accords
連中東專家一開始都唔知佢想做乜嘢日日鬧佢
搞亂中東想中東大戰
最後俾佢簽成咗全部專家收聲完全認同佢嘅創舉
不過香港好少人留意中東唔明白呢個協議有幾重要有幾咁宏大
我喺度成日講佢第一屆就已經要攞諾貝爾獎
今次搞掂醫朗好有機會解決埋以巴衝突再繼續推行Abrham Accords
10個和平獎都不足以表揚佢嘅成就

Trump 個仔真係好撚型
19歲 身高 外貌 學歷 名氣 家財
全部有齊
可以屌世界上90%以上嘅女

Ching 你要諗，外國組織檢查本國軍事設備我諗冇一個國家會肯，畢竟軍事於一國嚟講係重中之重。我唔排除伊朗想偷偷地發展核武，但你用拒絕國際原子能機構調查軍事設施嚟指出伊朗有不軌企圖好明顯係欲加之罪。
畢竟IAEA檢查其他嘢後都話基本符合要求，證明除軍事設備外，伊朗係有好好咁履行佢嘅職責。

唔應該係我諗或者你諗
作為美國總統一定要諗
成個協議冇一個有效嘅監管機制係根本行不通
所以我話呢一條係奧巴馬嘅白痴條約
睇吓Donald Trump點做
佢直接撕毁
全面經濟制裁
令到你想繼續發展都冇錢繼續
我唔需要你俾我入去睇你做緊乜嘢？
仲有Donald Trump好清楚有1979年開始
伊朗人民一直都唔滿意呢種政教合一嘅政府
揸乾伊朗僅有嘅資源
係最有效最實際最令敵人難受嘅方法
好成功
佢任內中東基本上太平
拜登一上台重啟JCPOA
伊朗即刻再有錢返
跟住搞出10月7號
佢第一任四年來中東做嘅嘢
由撕毁 JCPOA
令到沙特再次埋堆美國
承認耶路撒冷係以色列首都
全世界都話中東大戰一觸即發
結果乜事都冇仲簽埋個和平條約

如果照你咁講，用強硬嘅手段干預他國係代表緊呢個國家嘅領導人係偉大咁我更加不敢苟同。
你咪又係喺一個既定立場上預設咗個協議係唔夠有效先至再有呢類嘅立論。照你咁講，侵侵最有效嘅方法係直接消滅伊朗嘅敵對政府，再扶植親美政權上台，一有反對聲音就派兵去剿滅。好過宜家咁做啲唔做啲，咁樣對中東國家威懾力咪仲高。
前面講完啲協議冇用，後面又為所謂嘅和平條約打飛機，你唔係真係覺得中東班綠教徒會好似侵侵咁“守約”啊？定和平可以靠一紙協議嚟維持都係你嘅高見？

JCPOA係先天性就缺乏監管能力
奧巴馬諗呢個協議嘅唯一目的我認為只係做show
但係佢明知伊朗係1979年之後已經將美國視為佢嘅第一敵人
第二敵人當然係以色列
中間嘅偷雞違規日日發生緊
呢個係領袖無能急於尋求民眾認同國際掌聲嘅掩耳盜鈴方法

Donald Trump絕對唔係一個只會強硬去達成佢目的嘅人
以巴衝突喺佢第一屆完全冇強硬做乜嘢
佢係繞過以色列巴勒斯坦
而用無數咁多天才給嘅策略計謀
令到簽成以色列同中東國家嘅和平條約去脅迫巴勒斯坦歸邊
呢個亦係點解哈馬斯10月7號突襲以色列
因為哈馬斯已經完全被邊緣化
喺等死同放手搏一搏之下
佢選擇日本偷襲珍珠港嘅形式反抗
係哈馬斯嘅立場，我認為呢一部棋行得非常之準確
如果民主黨一路當政嘅話

Donald Trump可以唔用強硬就唔用嘅另一個例子
就係對敘利亞
美國敘利亞中東之間嘅關係複雜我就唔講太多
但係大家只需要睇一樣嘢
係佢最近嘅中東之行喺沙地阿拉伯嘅演講
佢講到解除敘利亞嘅制裁
我當時聽到10分驚訝
大家都知MBS 即刻起身鼓掌，跟住全場跟隊
Donald Trump停咗一陣之後都褪後一步自己都拍掌
對唔熟悉中東嘅香港人嚟講唔會明白
呢個絕對係一個創舉驚天動地
喺會場嘅每一個都明白呢個意義有幾重大
Donald Trump用嘅軟硬手法環環相扣
並唔會只用一種或者兩種，而係多種互相配合達成目的
第一屆點樣評定中東已經係所有政治家要學嘅手段