交通方式： 全程自駕
住宿規劃：
Day 1-3: 廣島市中心
Day 4: 出雲市
Day 5: 玉造溫泉區
Day 6: 鳥取市
Day 7: 倉敷市
--------------------------------------
Day 1 (11/15 六): 廣島機場 → 尾道 → 廣島市
13:45 到機場，預計15:15前搞掂晒入境、食晏、拎車。
揸車去尾道，目標係趕喺17:00日落前，搭纜車上千光寺睇日落。
夜晚再揸返廣島市中心check-in。
Day 2 (11/16 日): 廣島市內
全日行和平公園、原爆館。
下晝去縮景園，仲有紅葉茶會可以參加。
Day 3 (11/17 一): 宮島一日遊
全日玩宮島，會就潮汐時間，睇晒滿潮「海上鳥居」同退潮行落去兩種景。
行埋紅葉谷同大聖院，大聖院有紅葉祭。
大聖院今年紅葉祭期間會特別展出達賴喇嘛開光嘅佛像
唔通下次轉生會係轉為日本人?
由17號起每週五六日大聖院夜晚都有亮燈, 我夾唔啱時間就冇計喇
Day 4 (11/18 二): 廣島 → 出雲
朝早喺廣島Check-out，開始向山陰進發。
【問題點1】 中途景點三揀一，求意見：
A) 三段峽: 專程去睇紅葉，但聽講好花時間，要行好耐。
B) 石見銀山: 世界遺產不過都係要行好耐。
C) 鬼之舌震: 路線最順，慳返啲時間同油錢，但名氣好似冇咁大，睇完D石過完條橋就走得。
揀完一個點，就直踩去出雲市過夜。
如果有時間淨就去埋出雲日御碕燈塔睇日落
Day 5 (11/19 三): 出雲 → 松江 → 玉造溫泉
朝早去出雲大社、稻佐之濱、古代出雲歷史博物館。
下晝去松江城。
三四點開始去去玉造溫泉，住溫泉旅館。
跪求溫泉旅館介紹
係咪長樂園最正? 巨型混浴露天溫泉風呂去比阿婆視姦
驅風老藕嗒得過Day 6 (11/20 四): 島根 → 鳥取
朝早去足立美術館。
下晝去境港水木茂大道 (鬼太郎)，再去埋青山剛昌故鄉館 (柯南)。
夜晚住鳥取市。
Day 7 (11/21 五): 鳥取 → 倉敷
朝早去鳥取沙丘。
下晝揸車去備中松山城。
夜晚住倉敷，行下倉敷美觀地區夜景???!?
Day 8 (11/22 六): 倉敷 → 機場返香港
朝早喺倉敷hea，行下運河、坐下船仔。
10:30am準時出發去機場，12:00前要還車。
搭14:40機返香港。
--------------------------------------
Day 1 尾道行程： 咁樣趕唔趕得切睇日落？定其實應該放棄，改去其他地方？
本身有諗過去吳市, 不過依家大和博物館又關咗維修, 得返隔離嘅潛水艇, 好似冇乜嘢睇
Day 4 景點選擇： 「三段峽」、「石見銀山」、「鬼之舌震」三個點，大家會點揀？
整體節奏： 每日車程會唔會太長，揸到懷疑人生？有冇邊日特別chur？
溫泉旅館： 玉造溫泉有冇邊間旅館係必住推介？（e.g. 之前睇過「湯之助の宿 長楽園」）
其他建議： 有冇邊啲景點其實係伏，可以skip？或者有冇其他更值得去嘅景點？
食嘢方面廣島食蠔就唔使講啦, 境港係咪食蟹? 其他途經嘅景點做有啲咩特別推介嘅嘢食
