AEON新品TOPVALU雪糕爆紅$39.9一盒！4款口味呢款受熱捧？
這款以藍色膠盒的雪糕，外表平凡卻突受關注。對比市面同容量雪糕動輒$60起跳，TOPVALU價錢砍半，一盒（1公升）$39.9就能入手，性價比十足！
產品在「AEON Stores關注組」引發討論，有網民圖文並試食部份口味，有人形容「今日試咗蕉糖味好正，D焦糖一粒粒好似脆糖咁咩啊」、「曲奇試食如何？我今天買左焦糖，好味」、「我食左焦糖！好滑，仲有焦糖漿同焦糖脆脆」 、「你話比較軟身，有機會佢打多咗空氣令到佢fluffy咁咪容易溶」。
AEON自家品牌TOPVALU雪糕系列，選用紐西蘭當地牛奶製造，設4款口味，分別是「曲奇忌廉」、「雲呢拿」、「雙重焦糖」及「朱古力」。目前在AEON、AEON STYLE及AEON SUPERMARKET均有售。
https://hk.ulifestyle.com.hk/activity/detail/20069981
